Quantcast
Channel: NEWS Archives - REMATE ONLINE
Viewing all 32938 articles
Browse latest View live

Hired killer itinumba ng mga partisano

0
0

TODAS ang isang hinihinalang hired killer matapos itong malapitang barilin ng isa sa tatlong nagpakililalang mga miyembro ng samahang Partisano habang nanonood ng larong basketball Lunes ng hapon sa Brgy. Potrero, Malabon City.

Namatay habang ginagamot sa MCU hospital si Reynaldo Villarosa y Santos, aka ‘Boy Laki’, 60, may asawa, ng 14 Chico Road Potrero ng lungsod sanhi ng isang tama ng bala ng kalibre .45 sa ulo.

Mabilis namang tumakas ang tatlong hindi pa nakikilalang salarin sa pamgitan ng pag- agaw ng isang stainless Kawasaki tricycle na my plakang UW-6769 na pag-aari ng driver na si Ronald Pasag ng nasabing barangay.

Base sa isinagawang imbestigasyon ni P03 Rommel Habig ng Station Investigation Division (SID) ng Malabon pulis, dakong alas 5:30 ng hapon ng maganap ang insidente sa halfcourt basketball sa Chico road ng nasabing barangay.

Nabatid, masayang nanonood ng paliga ng basketball ang biktima ng palihim na lapitan ng isang minor de edad na suspek at agad  na pinaputukan sa ulo si “Boy laki” dahil sa takot ng mga manood agad nagpulasan at naiwan ang duguang biktima.

Isang tricycle ang kinumander ng mga suspek para gamitin sa pagtakas.

Bago tumakas ang mga suspek nag saboy ito ng mga mga polyeto na nagsasaad na kailangan hatulan ng kamatayan si Villarosa.

Base sa kalatas ng isang nagpakilalang Leni Katindig ng PARTISANO si Villarosa  ay dapat patawan ng kamatayan sapagkat marami na itong kasalanan sa bayan bilang upahang mamamatay tao ng trapong pulitiko kaya walang pakundangan itong kumitil ng buhay.

Patuloy na nagsasagawa ng masusing imbestigasyon ang mga awtoridad  upang malaman ang tunay na motibo sa nasabing pamamaslang.


Porter tinadtad ng saksak ng kabaro, kritikal

0
0

KRITIKAL ang lagay ng isang porter makaraang tadtarin ng saksak ng kasamahan sa trabaho sa loob ng Consignacion Market kaninang umaga Mayo 7 sa Estrella St., Tañong, Malabon City.

Nakaratay at ginagmot sa Tondo Medical Center si Arnold Labarias y Angela, 30, binata, batilyo, ng Paradize Village Tonsuya ng lungsod sanhi ng 18 malalim na tusok ng icepick sa iba’t ibang parte ng katawan.

Mabilis namang tumakas ang suspek na nakilala lamang sa pangalang Ronald bitbit ang ginamit na icepick kapwa batilyo sa nasabing palengke.

Base saimbestigasyon ni P02 June Belbes ng Station Investigation Division (SID) ng Malabon pulis, dakong alas 7:00 kaninang umaga ng maganap ang insidente sa nasabing palengke.

Nabatid, selos umano sa trabaho ang pinagmulan ng galit ng suspek.

Patuloy nagsasagawa ng masusing imbestigasyon ang mga awtoridad at inaalam ang tunay na  motibo ng nasabing insidente habang isang manhunt operation ang inilatag ng pulisya sa laban sa suspek.

Kotse ng vice mayoralty bet sa Cavite, niratrat, pamangkin na may dala, sugatan

0
0

SUGATAN ang pamangkin ng isang vice mayoralty bet sa Cavite nang ratratin ng riding in tandem ang kotseng kanyang minamaneho na inakala na ang may dala ay ang kanyang pulitikong tiyuhin na kanilang target sa Bacoor, Cavite kaninang madaling araw (Mayo 7).

Nagtamo ng isang tama ng bala ng kalibre 45 sa tiyan ang biktimang si Ferdinand Malvar, pamangkin ng isang hindi pinangalanang vice mayoralty bet sa Bacoor. Nagpapaga- ling na lamang ito sa hindi nabanggit na ospital sa lunsod.

Hinahanting na ngayon ng Bacoor PNP ang mga suspect na pinaniniwalaang hired killers na inupahan ng kalaban sa pullitiko ng tiyuhin ng biktima.

Naganap ang insidente dakong 12:45 ng madaling araw sa national road ng Barangay Aniban, Bacoor.

Bago ito, minamaneho ni Malvar para sa pangangampanya ang kotseng pag-aari ng kanyang tiyuhing pulitiko.

Pero pagsapit sa lugar, dalawang lulan sa motrosiklong suspect ang biglang sumulpot at niratrat ang sasakyan ni Malvar.

20 mountaineers, na-trap sa Mayon ash explosion

0
0

UPDATE: Maliban sa limang namatay, mahigit 20 pang mga mountaineers ang na-trap sa pagbuga ng makapal na puting usok ng Mayon volcano sa lalawigan ng Albay kaninang umaga.

Sinabi ni Albay Gov. Joey Salceda na mayroong dalawang grupo ang umakyat sa bulkan bago nangyari ang insidente.

Ayon pa kay Salceda, hinahanda na nila ang gagawing rescue operations sa mga naiipit na mga biktima upang sa lalong madaling panahon ay maibaba sila mula sa terrain ng naturang bulkan.

Sa panayam kay Kennenth de Salva, isa sa nasugatan na mountaineer, kinumpirma nito na tatlo sa kanyang mga kasamahan kabilang na ang isang German at Australian national, ang namatay agad matapos madaganan ng mga malalaking bato na ibinuga ng bulkan.

Maliban dito, isa pa ang naiwan at kritikal ang kondisyon at naghihintay ng saklolo mula sa mga rescuers maliban pa sa mga nakaligtas na pawang sugatan din at may mga bali sa katawan.

Sa ngayon, nagpapatuloy ang ginagawang assessment ng Phivolcs at lokal na pamahalaan ng Albay para sa mga susunod na hakbang kaugnay sa pagpapakita ng abnormalidad ng bulkan.

Samantala, libu-libong mga residente na sa paligid ng Mayon volcano ang nagsilikas sa takot na sila ay madamay sa pag-aalburuto ng bulkan.

Ang nasabing mga evacuees ay mula sa mga bayan at lungsod dito sa lalawigan ng Albay.

Inaasahan na madagdagan pa ang mga nagsilikas sakaling muling magpakita ng abnormalidad ang bulkan at sa susunod na ipapalabas na kautusan mula sa Provincial Disaster Risk Reduction and Management Council (PDRRMC).

Ikinabigla ng mga residente ang pagbuga ng abo ng bulkan kaninang umaga dahil walang anumang senyales na ipinakita ang Mayon nitong mga nakalipas na araw at maging ang paggalaw sa alert level status ng bulkan.

Eroplano naputulan ng landing gear sa NAIA; 14 flights na-delay

0
0

NAPUTOL ang landing gear ng isang Piper Aztec plane na may tail number na RPC 1095 habang nagla-landing sa Domestic Airport ng NAIA sa Pasay City.

Ligtas naman ang tatlong sakay ng eroplano na kinabibilangan ng pilotong si Capt Miguel Perrey, co-pilot nito at isang pasahero na nakilalang si Lawrence Uy.

Nagdulot naman ng pagka-antala sa 14 na flight na nakaiskedyul na lumipad dahil naka bara pa ang nabanggit na Piper plane sa runway ng paliparan.

Anumang sandali ay nakatakda nang hilahin ang eroplano upang makalipad na angibang mga eroplano at magamit ang runway.

15 anyos nagpasabog sa Divisoria mall, hawak na ng MPD

0
0

NASA kostudiya ngayon ng Manila Police District–Women’s Desk ang isang menor de edad na responsable umano sa pagpapasabog sa ikatlong palapag ng Divisoria Mall sa Maynila noong April 26, 2013.

Isang kapitbahay ng menor de edad na binatilyo ang umano’y nagsuplong sa pulisya na marunong umano itong gumawa ng improvised explosives device o IED.

Ang binatilyo ay 15 anyos pa lamang at isang high school student sa isang Chinese school sa Sta Cruz, Maynila.

Sa panayam, inamin ng binatilyo na  gumamit siya ng ilang kemikal sa paggawa ng pampasabog.

Pinigilan naman ang mga kawani ng media na kausapin ang bata at kanyang mga magulang.

Ayon naman sa pulisya, crude bomb lamang ang nabuo ng menor-de-edad na maihahalintulad sa paputok na yari sa pinaghalong mga kemikal tulad ng aluminum at magnesium.

Sa panayam naman kay MPD spokesman, Chief Insp. Erwin Margarejo, ang batang estudyante ay sasailalim sa counseling ng Women’s Desk at social workers ng DSWD na mas eksperto sa paghawak ng kaso ng mga menor de edad.

Nakiusap naman ang mga magulang ng bata na huwag babanggitin sa media ang kanilang pagkakakilanlan tulad ng tirahan at eskwelahan.

Inaalam na rin ng mga awtoridad kung ang binatilyo rin ang responsable sa mga mahihinang pagsabog sa Aranque Market sa Recto, Sta Cruz  at sa bisinidad ng Mall of Asia sa Pasay City noong nakaraang buwan.

Recall PHL envoy to KSA – group

0
0

THE Filipino migrants’ rights group, MIGRANTE, which is at the forefront of providing assistance to 7,500 stranded Filipino workers in Saudi Arabia who have wanted to be repatriated home, today calls on Philippine President Benigno Simeon Aquino III to recall PHL ambassador to Saudi Arabia.

“We support and join the demand of the various Filipino organizations and the 7,500 stranded OFWs in Saudi Arabia to immediately recall PHL ambassador to Saudi Arabia Ezzadin Tago,” said John Leonard Monterona, MIGRANTE party-list vice chairperson.

Monterona said Amb. Tago have shown that he is just a sitting duck and inutile who can’t provide protection and promote the rights and welfare of OFWs especially the stranded, distressed and abused in the Kingdom noting that OFWs welfare is third on the public service thrust of the PH Foreign Affairs department.

“Instead of helping the stranded OFWs who have camped inside the PH embassy since May 4 to call PH embassy’s attention for their free, swift, mass repatriation, Amb. Tago used the same old tactics in harassing the stranded OFWs to force them leave PH embassy compound in Riyadh,” Monterona added.

Monterona noted on the 2nd day of the encampment of the stranded OFWs inside the PH embassy compound, Amb. Tago ordered his staff to cut off the electricity and water lines where the 120 stranded OFWs, mostly women and some with children, have stayed at the old canteen inside the PH embassy.

“Amb. Tago also ordered the PH embassy closed and the donations for the stranded OFWs coming from various Filipino organizations such as food, water, and sanitation were confiscated. Then, he is now blaming MIGRANTE and various Filipino organizations who have supported the stranded OFWs in their fight for free, swift, mass repatriation as he claimed that the embassy’s operation have been affected,” Monterona adding that it was Tago who ordered the embassy closed where in fact the stranded have camped inside the compound of the embassy far away from the main building of the embassy where daily consular services being held.

On May 6, Tago ordered his staff to talk to Monaida Angko Dimarao, 30, from Parang, Maguindanao, to convince her that the embassy will only provide medication to her 10-month old daughter who has hydrocephalous, if they will leave the encampment inside the PH embassy. She hesitated but was forced by embassy staff and get way her daughter who was brought inside the PH embassy building.

After hours of waiting and sensing that there is no update of the promised medication of her daughter by the PH embassy staff, she and other fellow stranded OFWs went to PH embassy building to demand that her daughter be back with her.

“We can’t understand why Amb. Tago is forcing the stranded OFWs leave the PH embassy compound who only wanted a sanctuary inside the PH embassy while awaiting the assurance and plans of the PH embassy for their repatriation. The PH embassy is supposedly the most secured place for our stranded, distressed, and abused OFWs,” Monterona averred.

Monterona lamented, “Tago certainly does not know his job and responsibilities as head of PH mission in Saudi Arabia in terms of providing assistance to distressed and stranded OFWs. He said he wanted to secure the PH embassy compound and yet he is not providing security and relief to stranded OFWs. Rather, Tago is terrorizing the stranded OFWs just to force the stranded leave the PH embassy compound.”

“Along with various OFWs organizations in Saudi Arabia and in the Middle East, we will intensify our campaign for free, swift, mass repatriation of the stranded OFWs in the Kingdom while we call on Pres. Aquino to recall Amb. Tago,” Monterona concluded.

Ezzadin Tago is half-Filipino, half-Egyptian, who was promoted to become PHal ambassador to Saudi Arabia in 2011 after his stint as Consul General at PHL diplomatic mission in Jeddah, Saudi Arabia replacing Amb. Antonio Villamor who was a political appointee of then president Gloria Macapagal-Arroyo.

Justice na reresolba sa isyu ng source code, itinalaga na ng SC

0
0

MAY naitalaga nang mahistrado na reresolba sa usapin ng source code na nakabimbin ngayon sa Korte Suprema.

Nabatid sa source na isang malapit na kaibigan at appointee ni Pangulong Benigno ‘Noynoy’ Aquino ang naitalagang magponente sa desisyon ng kontrobersyal na kaso ng source code.

Si Associate Justice Bienvenido Reyes ang napiling magsulat ng desisyon kaugnay sa petisyong inihain ni dating Senador Richard Gordon.

Ang petisyon ay may kaugnayan sa kahilingan ni Gordon na atasan ng SC ang Comelec na ilabas na ang source code.

Si Reyes ay appointee ni Pangulong Aquino at dating business partner noon sa Best Security Agency (BSA).

Matatandaan na una ng pinuna ng mga kritiko ng administrasyon ang pananahimik ng Malakanyang sa isyu ng source code.

Una ng itinakda bukas ng Korte Suprema ang oral argument kaugnay sa source code, kung saan inatasan rin nito ang Comelec na magpaliwanag.


Bangkay ng 5 kaswalidad sa Mayon, natagpuan na; rescue ops tuloy pa

0
0

NATAGPUAN na ng rescue teams kaninang umaga (Mayo 8) ang bangkay ng limang biktima sa kasagsagan ng Mayon Volcano ash eruption nitong nakaraang Martes.

Gayunman, sinabi ni Albay Provincial Disaster Risk Reduction and Management Council head Cedric Daep na gugol pa ng panahon bago madala ang mga bangkay sa  Camp 1 area.

“Within the day, kung kaya before 12 (noon),” pahayag ni Daep sa isang kapanayam sa dzBB radio nang tanungin ito kung kailan madadala ang mga bangkay sa Legazpi City.

Sa update ng National Disaster Risk Reduction and Management Council (NDRRMC) nitong Martes ng gabi, kinilala ang isa sa lima na si Filipino tour guide Jerome Berin.

Ang apat pang bangkay ay pawang mga German nationals pero pansamantalang hindi muna pinangalanan.

Sinabi ni Daep na ang mga bangkay ay natagpuan  malapit sa Camp 2 ng Mayon, na may indikasyon na ang mga biktima ay nasorpresa sa biglang phreatic explosion.

Ayon pa sa ulat, ang mga biktima ay nangahas aniya na lumapit ng hanggang 1.6 to 1.8 km mula sa bibig ng bulkan.

Pero sinabi ni Daep na mapanganib para sa isang helicopter na makaabot sa lugar, dahil sa malalim na dalisdis o steep slope.

“We need a combination of ground and air-to-ground operations,” dagdag pa nito.

Para naman, aniya, sa 12 nasaktan, sinabi nito na walo na ang naibaba nila mula sa bulkan.

“Meron pang reported na apat na kailangan balikan sa Camp 2,” pahayag nito.

Samantala, iginiit ni Daep ang paalala ng ahensya na nagbabawal sa mga turista na umakyat sa bulkan.

Money ban ng Comelec tinabla ng BSP

0
0

PORMAL nang sinimulan ng Commission on Elections (Comelec) kahapon (Mayo 8) ang implementasyon ng ‘money ban’ kaugnay sa May 13 midterm elections ngunit tumatanggi ang Bangko Sentral ng Pilipinas (BSP) na sumunod sa kautusan ng poll body dahil maaapektuhan umano nito ang normal na business at commercial transactions sa bansa.

Alinsunod sa Comelec Resolution 9688, ipinagbabawal ng Comelec ang pagwi-withdraw ng pera nang higit sa P100,000 kada araw upang maiwasan umano ang vote buying sa halalan.

Martes ng hapon nang ipalabas ng poll body ang resolusyon na nagsasaad rin nang pagbabawal sa pagbiyahe o pag-iingat at posesyon ng P500,000 na cash.

Ayon kay Comelec Chairman Sixto Brillantes, Jr., layunin ng resolusyon na maiwasan ang vote buying lalo na nga’t nalalapit na ang halalan sa Lunes.

Kaugnay nito, magpapatupad rin ang Comelec ng money ban checkpoint, bilang karagdagan sa ipinatutupad nilang gun ban checkpoint.

Mahigpit naman ang pagtutol dito ng BSP at iginiit na maaapektuhan nito ang trading industry at posibleng lumabag rin sa bank secrecy.

“Limiting cash withdrawal and check clearing beyond [P100,000] may disrupt normal business and commercial transactions in the Philippines,” anang BSP, sa kalatas na inisyu nitong Martes ng gabi.

“The BSP is also constrained from enforcing the Comelec resolution because this would necessarily entail looking into bank deposit accounts. This is essentially unsound and in violation of Republic Act (R.A.) No. 1405, as amended (Secrecy on Peso deposits), and R.A. No. 6426 (Secrecy on foreign currency deposits),” dagdag pa nito.

Nilinaw naman ni Brillantes na cash withdrawals lamang ang kanilang kinukontrol at hindi kasama rito ang mga tseke kaya’t hindi aniya maaapektuhan ang trade and industry.

Paliwanag ni Brillantes, wala namang bumibili ng boto gamit ang tseke.

Kaugnay nito, nabatid na bukod sa money ban ay binibigyan rin ng kapangyarihan ng Resolution 9688 ang mga ordinaryong mamamayan na arestuhin ang mga vote buyers at mga vote sellers.

“Persons who committed, [are] actually committing or [are] attempting to commit vote-buying and vote-selling, an election offense, can be arrested by any law enforcement officer or private person without warrant,” anang resolusyon.

Nabatid na ito ang unang pagkakataon na nagpatupad ang Comelec ng money ban kaugnay sa eleksiyon.
Magtatagal ang money ban hanggang sa election day sa Lunes.

4 Pinoy UN peacekeepers, dinukot sa Syria

0
0

IKINALUNGKOT ng pamunuan ng Armed Forces of the Philippines ang panibagong insidente ng pagdukot sa apat na UN peacekeepers sa Golan heights  sa bansang Syria.

Ayon kay  AFP spokesman Brig Gen Domingo Tutaan  na napasabihan  na nila ang pamilya  ng apat  na sundalong  kabilang sa mga binihag.

Kasabay naman nito ang pagtanggi  ni Tutaan sa pagkakakilanlan ng mga biktima, bagaman kinumpirma nito na isa ay opisyal ng Philippine army habang ang tatlo ay pawang mga enlisted personnel.

Ang apat na UN peacekeepers ay sinasabing dinukot ng mga rebeldeng Martyrs of Yarmouk habang nagpapatrolya sa bahagi ng Golan heights.

Ang grupong ito ang sinasabing siya ring dumukot sa 21 UN peacekeepers nitong nakalipas na buwan ng Marso na pinalaya din makalipas ang tatlong araw na pagkakabihag.

3 Thailanders nasagip pa sa Mayon; 1 pa nawawala

0
0

NASAGIP ng mga rescuers ang tatlong Thailand nationals nitong Martes ng gabi mula sa pananalasa ng Mayon volcano ash at rock falls.

Nagtamo sugat at lapnos sa mukha at sa iba’t ibang parte ng katawan ang mga biktimang sina Ujun Cayas Peter at Bern Samacorn at si Wue Chun.

Sa panayam sa isa sa mga rescuers na si Darwin Cerilla, kinumpirma nito na nadala na nila sa ospital para magamot ang mga dayuhan.

Naging emosyunal, aniya, at halos hindi makapagsalita ang nasabing mga Thai nationals nang tuluyang makababa ng buhay mula sa bulkan.

Kahapon, na-rescue rin ang dalawang pang Thai na sina Nithi Ruangpisit at Tanut Ruchipiyrak, kapwa  26-anyos na nailigtas sa Centennial Park, Lidong sa nabanggit na bayan.

Una rito, may kabuuang 27 climbers kabilang ang mga German nationals, Thai nationals, Austrian national at mga Pinoy tour guide ang umaakyat sa bulkang Mayon pero biglang nagka-0phreatic explosion ang isa sa pinaka-aktibong bulkan sa buong mundo.

Resulta ng eleksyon malalaman sa loob ng 48 oras – Comelec

0
0

MAAARING sa loob lamang umano ng 48-oras matapos ang May 13 midterm elections ay maiproklama na ng Commission on Elections (Comelec) ang walong kandidato na nanguna sa senatorial race.

Ayon kay Comelec Chairman Sixto Brillantes Jr., kung papalarin ay posible pa ngang humigit pa sa walo o maiproklama nang lahat ang mga nanalo sa nalalapit na halalan lalo na kung talagang malaki ang lamang na boto ng mga ito sa iba pang kandidato.

“If the distance is big, maybe we can already proclaim all of them. Otherwise, we might have to defer at least the numbers 11, 12 and 13,” pahayag ni Brillantes.

Sinabi ni Brillantes na dahil sa PCOS (precinct count optical scan) system ay maaari nang iproklama agad ang mga nanalong kandidato nang hindi na kailangan pang matapos ang transmission ng lahat ng resulta ng halalan kung hindi rin lang ito makakaapekto sa kabuuang resulta.

Party-list solon slams ‘teachers are stupid’ statement of Davao EO

0
0

ACT TEACHERS Party-List strongly condemns the statement of Davao City election officer Aimee Ampoloquio saying that teachers sitting as poll workers with failing PCOS machines during final testing or sealing (FTS) are “forgetful or stupid.”

Media sources quoted Ampoloquio saying “It’s either they [the teachers] are forgetful or they are stupid.”

“Her statement is irresponsible and illogical,” said ACT TEACHERS solon Antonio Tinio.  “Errors found in Davao and in other FTS centers nationwide are due to the PCOS machines themselves, not the teachers.”

Errors reported include failure to initialize due to CF card errors, ballot rejection, shutdown due to thermal printer issues, or unexplained freezing.  IT experts from watchdog Kontra Daya predicted that the machines will present errors due to long storage and disuse, in addition to the errors inherent in the untested technology.

“Comelec officials who lay blame on teachers for these PCOS errors display ignorance on the scope of BEIs’ roles as regards the machines or are merely looking for scapegoats to cover up for this unreliable technology,” Tinio stressed.

“These errors will remain until Comelec follows the AES Law and opens the PCOS up to public scrutiny, mainly through the source code review.”

“Until then, neither Apolonio nor any local or national Comelec official has no right to blame teachers–its deputies–for these errors.”

Tinio added that teachers do not enjoy full Comelec support.  Though the poll body requires at least one member of the BEI to be IT-capable, it provided neither sufficient training nor compensation for the teacher hired as such.  Those who sat in Comelec’s “trainings” or “refresher courses” reported that trainors just read or repeated what was wrirten in the manual.

“In 2010, Comelec, on paper at least, required a PCOS technician for every precinct, provided by Smartmatic.  This year, it didn’t,” Tinio added.  “Reports have reached us that technicians from Smartmatic or outside sources are paid more than the  BEIs.  This is discriminatory.”

Finally, Tinio urged Comelec to hold Apolonio, who suggested that the Davao BEIs must be questioned, liable for her unethical and groundless attitude.

“Her words demean those who, for decades, have been guarding the sanctity of our votes, oftentimes at great risk to their security.  This is highly reprehensible as she, the top local election official in Davao City, cast shadows on the capability and integrity of teachers in general.”

Source code hawak na ng Comelec

0
0

PORMAL nang nai-turn over sa mga opisyal ng Commission on Elections (Comelec) ang 2013 source code o ang human readable instructions ng precinct count optical scan (PCOS) machines na gagamitin sa nalalapit na May 13 midterm elections sa bansa.

Kasabay nito, inianunsiyo ni Comelec Chairman Sixto Brillantes Jr. na maaari nang rebyuhin ng mga interesadong partido ang naturang source code.

Sa isang press conference kahapon ng umaga ay pormal nang iniabot ng mga kinatawan ng Dominion Voting Systems Inc. at Systest Labs Inc. (SLI) Global Solutions kay Comelec Chairman Sixto Brillantes Jr., ang compact disc (CD) na naglalaman ng source code.

Ang naturang CD ay may label ng SLI Global Solutions – Dominion Source Code at may nakalagay na confidential.

Halata naman ang katuwaan ni Brillantes sa bagong kaganapan at todo ang ngiti nito nang sa wakas ay mahawakan na ang CD ng source code.

“We are prepared to come out with the source code in the open and all interested parties  will now be allowed to review it,” ayon pa kay Brillantes sa presentasyon ng source code.

Laking pasalamat din ng poll chief sa Dominion at sa Smartmatic dahil sa kabila ng kanilang legal dispute sa Estados Unidos ay nagkasundo ang mga ito na dalhin na ang source code sa Pilipinas upang hindi magka-problema ang halalan.

“We owe it to Smartmatic and Dominion. They do not want that the elections in this country on May 13 will have some taint of vagueness or lack of credibility,” ani Brillantes.

Matapos ang turnover ceremony ay kaagad na dinala ng mga opisyal ang source code sa tanggapan ng Bangko Sentral ng Pilipinas (BSP) upang ilagak doon tulad nang ginawa sa 2010 source code.

Nauna rito, naantala ang release at review ng source code dahil sa legal dispute sa pagitan ng may-ari nito na Dominion Voting Systems Inc, at ng Smartmatic, na siyang contractor naman ng Comelec para sa automated elections system.

Tumatanggi kasi ang Dominion na i-release ang source code na hawak ng SLI Global Solutions na siyang sumuri at nagsertipikang accurate ito, dahil ayaw umanong magbayad ng Smartmatic ng $10 milyon sa kanila para sa paggamit nito ng kanilang teknolohiya.

Nitong Lunes lamang nang ianunsiyo ni Brillantes na pumayag na ang Dominion na i-release ang source code at Martes ng gabi nang dumating sa bansa ang mga kinatawan nito sa pangunguna ni Engineering Manager Reed Bodwell, dala ang “master” source code.

Kasama ng Dominion ang mga kinatawan ng SLI Global Solutions, sa pangunguna ni Senior Test Manager Michael Santos, na siya namang may dala ng source na ni-review nila may ilang buwan na ang nakakaraan.


TRO sa extended liquor ban, ‘di na iaapela

0
0

WALA nang plano pa ang Commission on Elections (Comelec) na iapela ang ipinalabas na Temporary Restraining Order (TRO) ng Korte Suprema laban sa resolusyon nila na nagpapalawig sa liquor ban ng hanggang limang araw.

Ayon kay Comelec Chairman Sixto Brillantes Jr., sa halip na iapela ay hindi na rin sila maghahain ng komento sa Korte Suprema hinggil sa extended liquor ban.

Aniya, plano na rin nilang i-withdraw na lamang ang kanilang resolusyon upang hindi na lumaki pa ang isyu lalo na ngayong marami pa silang ibang problema kaugnay sa eleksiyon sa Lunes.

Sa kabila naman nito, nanindigan si Brillantes na sa kanilang palagay ay rasonable lamang naman ang limang araw na liquor ban.

Matatandaang dapat sana ay ipatutupad na ang limang araw na liquor ban simula kahapon (Mayo 9) hanggang sa Mayo 13 ngunit dahil sa TRO ay magiging dalawang araw na lamang muli ang liquor ban o mula sa Mayo 12 hanggang sa election day, na siyang itinatakda ng batas.

“Kung sasabihin ng Korte Suprema na ‘yun lang, dalawang araw, okay lang sa amin,” ani Brillantes.

“Siguro ‘wag na nating palakihin iyung problema. I-withdraw na lang natin iyung resolution natin imbes na mag-komento pa tayo diyan. Marami pa tayong ibang problema.’ Although we think five days will mean a very reasonable period,”  dagdag pa ni Brillantes.

Nitong Miyerkules ay nagpalabas ng TRO laban sa extended liquor ban ang Mataas na Tribunal bilang tugon sa petition for prohibition na inihain ng dalawang liquor companies na kinabibilangan ng Food and Beverage Inc. at ng International Wines and Spirits Association Inc., na nagsabing magkakaroon ng matinding epekto sa kanila ang kautusan ng Comelec.

Ang resolusyon sa extended liquor ban ay inilabas ng Comelec batay na rin sa kahilingan ng Metro Manila Development Authority (MMDA).

Money ban aamyendahan ng Comelec

0
0

BAGAMAT nanindigang hindi babawiin ang ipinatutupad na resolusyon na naglilimita sa cash withdrawal, mistula namang ‘lumambot’ ang Commission on Elections (Comelec) hinggil sa isyu ng money ban na sinimulan nilang ipatupad nitong Mayo 8 upang maiwasan ang vote buying na posibleng maganap dahil sa nalalapit nang pagdaraos ng midterm elections sa bansa sa Lunes, Mayo 13.

Ayon kay Comelec Chairman Sixto Brillantes Jr., hindi nila babawiin ang money ban sa kabila ng pambabatikos ng ilang kritiko sa resolusyon, at sa halip ay magpapalabas na lamang ng amendatory supplemental resolution.

Sinabi ni Brillantes na sa ilalim ng amended resolution, lilimitahan pa rin sa P100,000 ang cash withdrawals kada araw, ngunit may diskresyon aniya dito ang mga bangko.

Habang isinusulat ang balitang ito ay hindi pa inilalabas ng Comelec ang amended resolution dahil umiikot pa umano ito sa mga commissioners upang malagdaan.

Iginiit ni Brillantes na may malasakit din sila sa komersiyo at mga negosyo kaya naman maglalagay sila ng probisyon sa resolusyon para sa kanila.

“Pinipirmahan na namin ‘yung amendatory supplemental resolution. Diniscuss na namin kahapon, pina-finalize ‘yung wordings, hindi ko pa nabasa. In essence, ang sinasabi namin dun, we are concerned likewise in the commerce and business,” ayon kay Brillantes.

“May inilagay kaming provision dun which says that while we are still limiting the withdrawal to P100,000 per day, we are giving discretion to the banks or bank officials since they have what is known as customer relationship. Alam nila kung sino ‘yung kanilang mga customer na nag-wi-withdraw regularly ng lampas ng P100,000, this will fall under the exception,” aniya pa.

Gayunman, sakali aniyang tumutol dito ang Bangko Sentral ng Pilipinas (BSP) at tumangging maglabas ng circular sa mga bangko, ang huli ang maaaring makastigo sa bawat transaksyong lampas sa P100,000.

“Walang mangyayari kung ayaw nilang (BSP) i-implement. Kung hindi sila mag-i-isyu ng circular to the banks, the banks will have to take some risk in allowing withdrawal more than P100,000,” dagdag pa ni Brillantes.

“Kakausapin pa rin namin ‘yung BSP pero kung ayaw nila, each and every bank will have to take the risk granting withdrawal beyond P100,000 in violation of Comelec resolution,” aniya pa.

Sa ngayon ay inaayos pa naman ng Comelec ang parusa sa mga lalabag sa resolusyon.

Nabatid na sa sandaling mailabas amendatory supplemental resolution sa money ban ay agad din itong magiging epektibo, kahit walang pitong araw na publikasyon.

Matatandaang Martes ng hapon nang ilabas ng Comelec ang Resolution 9688 na nagbabawal sa cash withdrawals ng higit sa P100,000 sa isang araw at pagdadala ng cash na lampas ng P500,000.

Tumanggi naman ang Bangko Sentral ng Pilipinas (BSP) ang tumatanggi na sumunod sa kautusan dahil maari umano itong makaapekto sa normal na business at commercial transactions sa bansa.

Brownout at matagal na paglutang ng source code bahagi ng magaganap na dayaan sa Lunes – Anakbayan

0
0

NANGANGAMO’Y ang isang malawakang dayaan sa araw ng eleksyon.

Ito ang hinala at pangamba ni Vencer Crisostomo, national chairperson ng Anakbayan kasunod ang malawakang brownout na naganap kahapon na sumakop sa halos buong Luzon.

Aniya, ang Luzon-wide blackout at  ang pagkabinbin ng  source code ay bahagi lamang ng ‘Automated Election Fraud’ (AEF).

Kinukwestyon ng grupo kung bakit huli na ng ilabas ang source code na posibleng ang layunin ay hindi na ito ma-review ng mga kinakailangang partido.

“We are 100% sure that yesterday’s blackout is a dress rehearsal for Monday’s elections. But a power outage is merely ‘Plan B’, or a back-up plan to the AEF of the Aquino administration.”
Isang pagpapaimbabaw din umano ang pahayag ni COMELEC Chairman Sixto Brillantes na ang ‘source code’ ay handa na para ito ay repasuhin sa nalalabing ilang araw bago ang eleksyon.

“Pampapogi lang. It’s way too late for that at this point in the election period. How long did a source code review take in 2010? Four, five months? Tapos the COMELEC will allow a review less than a week before Election Day?” giit ni Crisostomo.

Malaking biro din ayon sa Anakbayan ang pahayag ni Brillantes na ang pagrerepaso sa source code ay magpapatuloy kahit tapos na ang eleksyon.
Sa ganitong paraan ay lahat ng dayaan ay naganap na, ang mga pagkakamali ay hindi na mababago at higit sa lahat ay nakapanumpa na ang mga idineklarang nanalo sa eleksyon.
“Brillantes’ statement that the review can continue after the elections is a joke. By the time the source code review is finished and major errors are discovered, all the ‘winners’, fraudulent or otherwise, would have been already sworn in. Or is the COMELEC promising that they will annul the poll results if any cheating is discovered?”

Pangambang blackout sa eleksyon, pinawi ng Kamara

0
0

PINAWI ng liderato ng Kamara ang pangamba ng publiko na ang malakawang blackout kahapon ay dmalaking epekto sa halalan sa Lunes, May 13.

Tiwala si House Speaker Feliciano Belmonte, Jr. na hindi maapektuhan ng naganap na malawakang blackout  kahapon sa Luzon ang halalan sa Lunes.

Kasunod ito ng biglaang pagkawala ng suplay ng kuryente kahapon sa ilang bahagi ng Luzon at sa Metro Manila bunsod ng technical problem umano sa planta sa Calaca sa Batangas.

Kampante si Belmonte na 100 porsyentong tuloy ang  halalan dahil nakahanda naman ang gobyerno at iba pang ahensya para dito.

Maging si Aurora Rep. Sonny Angara ay tiwala na magagawan ng paraan ang nasabing pangamba sakaling mawalan ng kuryente sa mismong araw ng eleksyon.

Sinabi ng kongresista na ang mga PCOS machines ay may standby power na kahit mawalan ng kuryente ay gagana pa rin ito sa loob ng 12 oras at tuloy pa rin ang botohan.

Si Quezon City Rep. Jorge “Bolet” Banal ay nagsabing agad ng nagpa-utos si Pangulong Aquino ng imbestigasyon at pakikipag-ugnayan Department of Energy (DOE) upang masuri ang technical problem sa planta  at matiyak na hindi mauulit ang pagkawala ng suplay ng kuryente sa araw mismo ng halalan.

Kawani ng DOTC, buking sa CCTV sa ginawang pagnanakaw sa NAIA

0
0

SINAMPAHAN ng kasong qualified theft ang isang kawani ng Department of Transportation and Communication (DOTC) nang mabuking ito ng nakatalagang pulis sa Aviation Security Group (ASG) sa ginawa nitong pagnanakaw sa mamahaling cellphone ng isang British national matapos rebisahin ang close circuit television (CCTV) camera na nakalagay sa NAIA Terminal 2 kamakalawa ng hapon sa Pasay City.

Kinilala ang suspek na si Alexis Yap, 25, nakatalaga sa Final Screening X-Ray machine sa departure area ng NAIA at naninirahan sa 1406 Labores St., Pandacan matapos itong ireklamo ng dayuhang si Kuram Deepak, 45, na nawalan ng cellphone na nagkakahalaga ng P20,000.

Sa ulat ni PO3 Melvin Garcia ng Station Investigation and Detective Management Section (SIDMS) ng Pasay police, nagreklamo ang dayuhan kay SPO1 Marlon Collado, nakatalaga sa ASG matapos maglahong bigla ang kanyang Samsung Galaxy mobile phone nang idaan sa x-ray machine dakong alas-5:47 ng hapon.

Iginiit ng dayuhan kay Collado na sa final x-ray machine naglaho ang kanyang mobile phone kaya’t tinanong niya si Yap subalit ikinaila nito na doon nawala ang gamit ng dayuhan.

Dito na nagpasiya si Collado na rebisahin ang kuha ng CCTV camera hanggang ipasiya ni Yap na isauli ang mobile phone na inilagay niya sa ilalim ng x-ray machine.

Viewing all 32938 articles
Browse latest View live