TATAGAL pa hanggang Hunyo 12 ang election gun ban ng Philippine National Police kahit tapos na ang halalan.
Ayon kay National Capital Region Police Officer (NCRPO) Director Leonardo Espina, sa ilalim ng Republic Act 8294 (Illegal Possession of Firearms) at Batas Pambansa 881 (Omnibus Election Code), tuluy-tuloy pa rin ang pagtugis sa mga grupong banta sa kaayusan at katahimikan ng bayan.
“Hence, NCRPO is motivated even more to exert efforts in preserving and maintaining peace and order in the Metro,” ani Espina.
Batay sa ulat na isinumite ng Office of the Regional Director, umaabot na sa 8, 222 ang kabuuang checkpoint na inilatag ng NCRPO sa iba’t ibang lugar sa Maynila na nagresulta sa pagkakaaresto ng 699 violators, pagkakakumpiska sa 333 na mga baril, 24 na granada at pampasabog kasama na ang 324 na bladed weapon.