ISANG patay na sanggol ang basta na lamang iniwan ng kanyang walang pusong ina sa loob ng isang chapel kagabi sa Pandacan, Maynila.
Ayon kay SPO1 Richard Escarlan, imbestigador ng Manila Police District-Homicide Section, alas-6 ng gabi nang madiskubre ni Felix Acosta,janitor sa Sto.Nino Church sa Pandacan, Maynila ang kasisilang na sanggol na babae sa loob ng Adoracion Chapel ng nabanggit na simbahan.
Nabatid na nakabalot ng puting tela saka inilagay sa plastic bag bago ipinasok sa kahon ng sapatos ang sanggol na nasa dalawa hanggang tatlong araw pa lang ang edad.
Naglilinis umano ng chapel si Acosta nang makita ‘yong kahon at dahil sa kuryusidad binuksan nito at tumambad sa kanya ang patay na sanggol.
Kaagad na ipinaalam ni Acosta sa parish priest na si Father Larry Abaes ang nakitang patay na sanggol na siyang tumawag sa himpilan ng pulisya.
Bago naman dalhin sa Universal Funeral Homes para sa safekeeping ang sanggol ay binasbasan muna ito ng pari.
Bigo naman ang mga awtoridad na matukoy kung sino ang nag-iwan sa sanggol.
The post Sanggol iniwang patay sa loob ng chapel appeared first on Remate.