MULING nag-alburuto ang bulkang Taal matapos makapagtala ng apat na volcanic earthquake sa nakalipas na 24 oras.
Ayon sa Philippine Institute of Volcanology and Seismology (Phivolcs) nitong nakalipas na Agosto 1, 2013 nakapagtala ng apat na pagyanig sa paligid ng bulkang Taal.
Sinabi ng Phivolcs na patuloy pa rin nakataas ang alert level 1 sa paligid ng bulkan Taal at ang kanluran bahagi ng bunganga ng bulkan ay bumaba ang water temperature mula sa 32.9*C mula sa 33.4*C .
Ayon pa sa Phivolcs mahigpit na ipinagbabawal ang paglapit sa bunganga ng bulkan dahil sa banta ng pagsabog.
Pinaalalahanan din ang publiko na nananatili ang paligid ng bulkang Taal sa Permanent Danger Zone (PDZ).
The post Bulkang Taal muling nag-alburuto appeared first on Remate.