PATAY ang isang tricycle driver makaraang barilin ng riding-in-tandem habang ipinaparada ang kanyang sasakyan sa Quezon City kagabi, Nobyembre 23,2013.
Kinilala ang biktima na si Gilbert Israel, 34, ng 62 Sto. Niño St. Payatas A, QC.
Si Israel ay namatay noon din dahil sa tama ng bala ng baril sa katawan.
Ayon sa ulat, naganap ang insidente sa harap ng Andoks ihaw-ihaw sa IBP Road, Commonwealth alas-7:40 kagabi.
Ipinaparada ng biktima ang kanyang tricycle (TX-4299) sa lugar nang biglang dumating ang mga suspek sakay ng motorsiklo at binaril ang una.
Inaalam na ang motibo sa krimen.
The post Trike driver todas sa riding-in-tandem appeared first on Remate.