NAUWI sa mainitang pagtatalo ang away ng dalawang konsehal sa Panukulan, Quezon.
Sa ipinadalang ulat ng Quezon Police Provincial Office, nabatid na nagkaroon ng pagtatalo ang biktimang si Municipal Councilor Noeme Penamante at ang suspek na si Municipal Councilor Ruel Valencia.
Katatapos pa lamang ng kanilang weekly session nang magkaroon ng hindi pagkakaunawaan ang dalawa na nauwi sa panununtok ni Valencia sa biktima.
Mabuti na lamang at naharang ni Municipal Councilor Emmanuel Penamante ang kamao ng suspek kung kaya hindi tumama sa kanya ang suntok nito.
Maliban dito, kung anu-anong masasamang salita pa ang sinabi ni Valencia sa biktima.
Kaugnay nito, kasong slander by deed o oral defamation ang isinampa ng biktima laban sa naturang suspek.
The post 2 konsehal muntik magrambol sa sesyon appeared first on Remate.