TIGBAK ang isang driver makaraang pagbabarilin ng riding-in-tandem habang nakaupo sa isang sasakyan sa kanilang lugar sa Brgy. Batasan, Quezon City kaninang madaling-araw, Mayo 6, 2014.
Kinilala ang biktima na si Ramil Adena, 29, ng Brgy. Batasan, QC na idineklarang dead-on-arrival sa East Avenue Medical Center (EAMC).
Lumalabas na naganap ang insidente sa kahabaan ng San Mateo Road, cor. Presidential St., Brgy. Batasan, alas-4:15 ng madaling-araw.
Sa ulat, nakaupo sa driver seat ng Isuzu elf (XLR-336) si Adena nang lapitan ng hindi nakilalang suspek saka pinagbabaril ang walang kalaban-laban na biktima.
Matapos matiyak na patay na ang biktima ay tumakas ang suspek sakay ng naghihintay na motorsiklo na minamaneho ng isa pang suspek.
Inaalam na ang motibo sa krimen.
The post Driver itinumba ng riding-in-tandem sa QC appeared first on Remate.