POSIBLENG nakalabas na ng bansa ang ilan sa mga sangkot sa kontrobersyal na pork barrel fund scam na sakop din ng hold departure order (HDO) na inilabas ng Sandiganbayan.
Ayon kay Immigration Commissioner Siegfried Mison, mula sa 54 indibidwal na nasa ilalim ng HDO, 10 sa mga ito ang posibleng nakapuslit na palabas ng bansa
Tumanggi naman si Mison na tukuyin kung sino-sino ang mga ito habang beneberipika ang naturang impormasyon.
Kaugnay nito, nakipag-ugnayan na ang Bureau of Immigration (BI) sa Sandiganbayan upang ipagkaloob sa kanila ang mga personal na impormasyon ng mga akusado na kasama sa HDO.
Posible kasing kapangalan lamang ang nakaalis ng bansa
Kasunod nito, hihingin nila sa anti-graft court ang iba pang detalye ng respondents kabilang na rito ang middle name at date of birth ng mga ito.
Samantala, tiniyak naman ng BI na nakaalerto ang kanilang mga tauhan sa lahat ng paliparan upang maiwasan na matakasan sila ng mga dawit sa PDAF scam.
The post 10 sangkot sa PDAF scam nakapuslit na – BI appeared first on Remate.