PINAYAGAN kaninang umaga (Marso 12) ng Sandiganbayan si Sen. Ramon “Bong” Revilla, Jr. na sumailalim sa X-ray procedure para malaman ang sanhi ng pananakit ng kanyang paa.
Sa tatlong pahinang resolusyon ng Sandiganbayan First Division, pinahihintulutan ng korte si Revilla na magtungo sa Philippine National Police General Hospital para sumailalim sa nasabing proseso.
Maaari rin umanong magtungo ng mas maaga ang senador sa ospital bago ang actual na pagsusuri.
Matatandaang nalagay sa matinding batikos at naparusahan pa ang mga bantay ni Revilla makaraang dalhin siya sa pagamutan noong nakaraang buwan.
Nabatid na walang court order ang paglabas noon ni Revilla sa kanyang selda. ROBERT TICZON