APAT pang kandidato sa pagka-senator ang tuwirang inendorso ngayon ng Lakas-CMD.
Ito ay resulta ng isinagawang straw voting ng may 23 miyembro ng executive committee ng Lakas kaninang umaga.
Dagdag sa unang anim na kandidato na inilabas noong nakaraang Linggo ay sina Nancy Binay, Richard Gordon, Cynthia Villar at Eddie Villanueva,
Noong nakaraang Linggo ay inilabas nila ang anim na kinabibilangan nina Mitos Magsaysay, Sonny Angara, JV Ejercito, Jack Enrile, Gringo Honasan at Grace Poe.
Subalit nilinaw ni Lakas President Martin Romualdez na ang nalalabing dalawang pwesto ay nasa personal nang desisyon ng bawat local officials.
Kasabay nito ay inihayag din ni House Minority Leader Danilo Suarez na aabot pa sa tatlo hanggang 3.5 milyon ang botante ng Lakas CMD.