NABULABOG ang isang barangay matapos makita ang hindi sumabog na granada sa harap ng barangay hall sa Caloocan City Biyernes ng gabi, Hunyo 7.
Sa ulat, dakong alas-9:30 ng gabi nang makita ng residenteng si Romeo Cabanilla, nasa hustong gulang ang granada sa tapat ng barangay hall ng Brgy. 178 sa Camarin ng lungsod.
Agad na sinabi sa mga pulis ang nakita at nang puntahan ay nakuha ang isang 10 M-26 hand grenade na wala na ang lever at safety pin.
Binalutan ng mga pulis ang granada at nang matiyak na hindi na sasabog ay dinala sa presinto kung saan inaalam na kung sino ang nag-iwan ng granada.
The post Granada nakita sa tapat ng barangay hall appeared first on Remate.