NAMATAY ang isang kakandidato ng punong barangay matapos barilin habang naglalaro ng chess sa palengke ng Pontevedra, Capiz.
Namatay ang biktima na kinilalang si Juan Baclor, 50, dating treasurer ng Barangay Tabuc bunga ng isang tama ng bala sa ulo na tumagos sa noo.
Batay sa imbestigasyon ni S/Insp Elton Arcangeles, hepe ng Pontevedra police station, biglang nilapitan ng hindi kilalang suspek ang biktima habang naglalaro ng chess malapit sa bilyaran ng palengke.
Ayon pa kay Arcangeles, mismong ang suspek pa ang nagmaneho ng motorsiklo na ginamit nito sa pagtakas kasama ang isang lalaking kaangkas.
Isa umano sa mga tinututukang anggulo ang politika dahil sa planong pagtakbo ng biktima sa halalang pambarangay sa darating na Oktubre.
The post Kakandidatong Punong barangay, pinatay sa Capiz appeared first on Remate.