LIMA katao ang nasugatan makaraang sumalpok sa tindahan ng feeds ang isang pampasaherong jeep sa Magarao, Camarines Sur.
Nakilala ang mga sugatan na sina Ritchel Cabungcal at dalawa niyang menor de edad na anak na pawang pasahero ng jeep, driver na si Emil Platon at ang kamag-anak ng may-ari ng tindahan na si Marty Ebron.
Tinangka umanong mag-overtake ng dyip sa isa pang dyip ngunit nawalan ito ng kontrol.
Upang hindi mabangga ang kasalubong na sasakyan ay ibinangga na lamang ang dyip sa isang malaking flower pot sa tabi ng kalsada.
Sa lakas ng pagbundol ng sasakyan, bumangga pa ito sa naturang tindahan na pag-aari ni Fernando Ebron.
Posibleng maharap sa kasong reckless imprudence resulting in multiple pysical injuries and damage to properties ang tsuper ng jeep.
The post Dyip sumalpok sa CamSur: 5 sugatan appeared first on Remate.