NAOSPITAL ang isang ginang matapos atakehin ng nerbiyos makaraang mabagsakan ng billboard sa Caloocan City, Lunes ng hapon.
Inoobserbahan pa sa Fatima Medical Center si Rosalinda Zacarias, ng Libis ng lungsod.
Sa ulat, alas-3:30 ng hapon, naglalakad sa kanilang lugar ang biktima nang bumagsak ang billboard ng sapatos na may sukat na 60 by 80 meters.
Hindi man direktang tinamaan ay ninerbiyos nang husto ang biktima na naging dahilan upang dalhin sa FMC.
Inaalam na kung may pananagutan ang Asiaworld Advertising Incorporated, ang may-ari ng billboard sa insidente.
The post Ginang nabagsakan ng billboard appeared first on Remate.