UMAPELA ang isang grupo ng mga maralita sa Department of Justice (DoJ) na huwag bigyan ng immunity ang itinuturong utak ng pork barrel scam na si Janet Lim-Napoles.
Ang mga raliyista na walang partikular na grupong kinaaaniban ay nagsumite ng manifesto kay Justice Secretary Leila de Lima kanina upang hilingin na huwag gawing state witness si Napoles.
Hindi umano makatarungan na palulusutin si Napoles sa pagnanakaw sa kaban ng bayan gayong ang isang ordinaryong kriminal gaya ng mga snatcher na madalas lamang napagbibintangan sa krimen ay nabubulok na sa bilangguan dahil sa hindi pag-usad ng kaso.
Sila umanong mahihirap ay napagkaitan ng serbisyo dahil lamang napunta sa bulsa ni Napoles ang pondo ay dapat na mailaan sa kanila.
Ang panawagan ay ginawa ng mga raliyista kasabay ng kilos-protesta na kanilang idinaos sa harap ng DoJ.
The post Napoles ‘wag bigyan ng immunity appeared first on Remate.