TUTULAK patungong Tokyo, Japan si Metropolitan Manila Development Authority (MMDA) Chairman Francis Tolentino kasama ang 14 na city mayors mula ngayong March 15 hanggang 19.
Ayon kay Tolentino, tatalakayin sa isasagawang observation tour ang patungkol sa Traffic Management, Urban Planning at Tokyo Disaster Management System.
Nakatakda ring iprisinta ng Japan International Cooperation Agency (JICA) ang proposal hinggil sa Metro Manila subway system.
Bukod dito, ipinabatid ni Tolentino na dadalo ang mga Metro Manila Mayors sa 3rd United Nations World Conference na gaganapin sa Sendai. JOHNNY ARASGA