SINAMPAHAN na ng reklamo ng National Bureau of Investigation(NBI) ang isang lalaki na nahuling namboboso ng mga kababaihan na binansagang “Boy Boso”.

Hawak ngayon ng NBI ang suspek na si Sonny Boy Pacursa na sinampahan ng kasong anti-child phornography act at anti-voyeurism law.

Si Pacursa ay naaktuhan ng NBI na namboboso ng mga menor-de-edad na hubo’t hubad.

Nakita rin sa SD card na nabawi sa suspek ang larawan ng mga magagandang estudyante at empleyado na patagong kinunan ng suspek.

Dumagsa naman sa NBI ang ilang nabiktima ng suspek na anila’y nagdaan sa matinding trauma.

“We are exposing this kind of modus para ma-alert itong mga estudyante natin at para ‘pag may mga taong lumalapit sa kanila, eh, medyo maalertado sila,” ayon kay NBI Cybercrime Division chief Ronald Aguto.

Isinailalim na rin sa inquest proceedings ang suspek.

The post ‘Boy Boso’ sinampahan na ng kaso ng NBI appeared first on Remate.

TODAS sa pamamaril si Urbiztondo Mayor Ernesto Balolong, Jr. at kanyang dalawang tauhan kaninang umaga sa Rizal St., Bgy. Poblacion, Urbiztondo, Pangasinan.

Alas-9:15 kaninang umaga nang pagbabarilin si Balolong at kanyang escort na pulis na si PO1 Eliseo at isa pang security, ikinasugat din ng ilang tambay sa lugar.

Sakay ng Innova van ang mga suspek nang ambusin ang alkalde na kasalukuyang nag-iinspeksyon sa lugar na pagdarausan sana ng kanilang ika-25 wedding anniversary ng kanyang misis kasabay sa kasal ng anak na si councilor Voltair Balolong.

Patay ang biktima sa 22 tama ng bala ng baril sa iba’t ibang bahagi ng katawan.

Matatandaan na si Balolong ay nahaharap sa kasong administratibo at kasapi ng Liberal Party.

Inaalam na ang motibo sa pamamaril.

The post Urbiztondo mayor utas sa pamamaril appeared first on Remate.

PATAY ang isang kargador matapos uminom ng isang uri ng energy drink sa Bgy. Langtad, Naga, Cebu.

Kinilala ang biktima na si Richard Miraflor, 39, ng Bgy. Alang-Alang, Mandaue.

Ayon sa mga kasamahan ng biktima, nagpaalam ito sa kanila na bibili muna ng maiinom sa isang tindahan pero matapos uminom ng energy drink na hindi muna tinukoy ang brand ay basta na lang ito natumba.

Inaalam na ng Food and Drugs Administration (FDA)-7 kung may kinalaman ang ininom na energy drink ng biktima sa kanyang pagkamatay.

The post Kargador utas sa energy drink sa Cebu appeared first on Remate.

TODAS ang security guard ng isang convenience store nang pagbabarilin ng hindi pa nakilalang suspek sa CL Montelibano St., Bgy. Villamonte, Bacolod City, kaninang madaling-araw.

Kuhang-kuha sa CCTV ang paggising ng suspek sa noon ay natutulog na sekyu na si Ruperto Esperon bago binaril sa tiyan.

Makaraan nito ay kinuha ng suspek ang baril ng guwardiya at tumakas.

Inaalam na ang motibo sa pamamaslang.

The post Natutulog na sekyu, ginising para patayin appeared first on Remate.

PAGKAKALOOBAN ng Department of Labor and Employment (DOLE) ng assistance ang mga kaanak ng walong (8) manggagawa na namatay sa naganap na sunog sa Pasay City gayundin ang iba pang survivors.

Ayon kay DOLE Undersecretary Ciriaco Lagunzad III, tutulungan nila ang mga biktima sa sunog para ma-claim ang kanilang compensation benefits kahit pa hindi sila miyembro ng Social Security System (SSS).

“There is already an ongoing coordination between DOLE-NCR and DOLE Region 7 (Central Visayas) as to the granting of livelihood training and assistance for the survivors who expressed their interest to go back to Negros Oriental,” ani Lagunzad. (http://www.gov.ph/2014/06/05/pasay-fire-raze-victims-may-claim-ec-benefits-get-livelihood-assistance-from-dole/).

Inihahanda na rin aniya ng DOLE-NCR ang livelihood proposal para sa mga survivors habang ang DOLE Region 7 ay tumitingin na rin ng posibleng livelihood para sa mga ito.

Matatandaan na walong manggagagawang babae ang namatay sa sunog sa isang 2-storey na bahay at warehouse sa Asia Metrotech Coby Trading na matatagpuan sa 317 P. Samonte Street, Brgy. 47 Zone 6, Pasay City.

Sa imbestigasyon,lumalabas na ang sunog ay nagsimula sa electrical wiring.

The post Biktima ng sunog sa Pasay, pagkakalooban ng benepisyo appeared first on Remate.

MAGPAPADALA ang Department of Labor and Employment (DOLE) ng dalawang labor officials na umasiste sa mga Pinoy overseas Filipino workers (OFW) na naiipit ngayon sa kaguluhan sa Libya.

“Labor Attache Nasser Mustafa and Welfare Officer Eduardo Mendoza, Jr. will augment the staff of the Philippine Overseas Labor Office in Tripoli,” ayon kay DOLE Secretary Rosalinda Baldoz.

Sina Mustafa at Mendoza ay kabilang sa ground team sa Libya na tumulong sa paglilikas at mga OFWs noong panahon ng krisis sa Libya noong 2011.

Sa report sa state-run Philippines News Agency sinabi ni Baldoz na, “Both will travel to Libya mainly to establish [a] network with OFWs and their employers, assess the actual peace and security situation, and recommend a plan of action to facilitate the evacuation of Filipinos when it becomes necessary”.

Sinabi naman ni Philippine Overseas Employment Administration head Hans Leo Cacdac, na siya ring namuno sa DOLE’s Libya Crisis Quick response team, na maraming OFWs ang nakadeploy sa Benghazi.

Magrerekomenda rin si Cacdac na magtalaga ng panibagong contingency team na binubuo nina Labor Attaches David Des Dicang, Jeffrey Cortazar, Nasser Munder at Ramon Tionloc at Overseas Workers Welfare Administration Director Albert Valenciano.

Iinspeksyonin nila ang posiblng exit points at transit countries upang matiyak ang kaligtasan ng mga OFWs sa actual evacuation.

Ayon pa kay Cacdac, nagtayo na rin ang DOLE ng command center na magmo-monitor sa sitwasyon sa Libya sa pamamagitan ng reports na nakukuha mula sa POLO sa tripoli mula sa mga news report at response team on site.

Sa ngayon, sinabi ni Baldoz na mino-monitor at ina-assess na ng Philippine Overseas Labor Office at Philippine Embassy ang sitwasyon sa Libya habang nagsasagawa ng kaukulang aksyon para sa seguridad at kaligtasan ng mga OFWs doon.

“The DOLE augmentation team should form part of the country’s Rapid Response Team (RRT) in Libya, together with the team from the Department of Foreign Affairs, under the one-country-team approach,” ayon pa kay Baldoz.

The post DOLE, magpapadala ng 2 opisyal sa Libya appeared first on Remate.

IKINATUWA ng Catholic Bishops’ Conference of the Philippines (CBCP) ang pagsusumikap ng pamahalaan na labanan ang korapsyon sa pamamagitan nang pagsasampa ng kaso laban sa mga taong isinasangkot sa P10-billion pork barrel scam.

Sa kabila naman nito, nagbabala si CBCP President at Lingayen-Dagupan Archbishop Socrates Villegas laban sa selective justice o pagpili lamang ng mga taong paparusahan hinggil sa eskandalo.

Ayon kay Villegas, ang paglaban sa korapsyon ay tuwid na daan ngunit iginiit nito na hindi dapat na mamili ng mga taong papapanagutin sa batas at sa halip ay panagutin ang lahat ng may kinalaman sa anomalya, anoman ang kanilang political affiliations.

“We laud the effort of government to deal resolutely with graft and corrupt practices. This is the path of righteousness. Those who have been charged must be dealt with the full force of the law,” ani Villegas. “Those who are tasked to prosecute must observe total commitment to the human rights of the accused.”

“Everybody culpable, whatever their political affiliations may be, should be investigated and, if so warranted, indicated. When justice is selective, it is not justice at all,” giit pa ng CBCP head.

Nitong Biyernes ay sinampahan na ng kaso ng Ombudsman sa Sandiganbayan sina Janet Napoles at senators Juan Ponce Enrile, Jose “Jinggoy” Estrada at Ramon “Bong” Revilla, Jr.

The post ‘Hindi dapat mamili, lahat ay panagutin’ — CBCP appeared first on Remate.

URBIZTONDO, PANGASINAN – Bumuo si 2nd district Rep. Leopoldo Bataoil ng isang task force na tinawag na “Task Force Balolong” na siyang mamumuno sa pag-iimbestiga sa pagpatay kay Mayor Ernesto Balolong, Jr., na ikinasawi ng dalawa at ikinasugat ng isa pa.

Ayon kay Batalaoil, pamumunuan ni Deputy Regional Director for Operation (DRDO) Sr. Supt. Benjamin Hupilas, hepe ng Urbiztondo at San Carlos police, Pangasinan Provincial Office (PPO) at National Bureau of Investigation (NBI).

Aniya, lahat ng anggulo gaya ng pulitika, negosyo at personal ay kanilang titingnan upang matukoy ang motibo at identification ng mga suspek sa krimen.

Hihingan din ng mga awtoridad ang mga residente sa lugar na nakakita sa insidente ng impormasyon hinggil sa krimen.

Noong Sabado ng umaga, pinagbabaril si Balolong hanggang sa mamatay kasama ang dalawang bodyguard nitong sina PO1s Eliseo Ulanday at Edmund Meneses.

Si Rex Ferrer ay dinala sa RHU Urbiztondo Medical Center para sa medical treatment.

Ayon sa PPO, ang getaway vehicle ng mga suspek na isang Toyota Innova (dark gray) na may plakang YB-6600 ay narekober sa Barangay Caoayan, Urbiztondo.

Ayon sa PPO, ang mga suspek ay gumamit ng M-16 rifle at .9mm pistol sa pananambang sa mga biktima.

The post Pagpaslang sa alkalde sa Pangasinan iimbestigahan appeared first on Remate.

DALAWANG araw nang nakatiwangwang ang isang bagong silang na sanggol na natagpuang nakalutang sa ilog na dugtungan ng Manila Bay at Pasig River, sa bahagi ng Vitas, Tondo, Maynila.

Nabatid na namamaga na ang bangkay ng sanggol na lalaki, na may nakakabit pang pusod ang natagpuan umano ng mga batang nangangalakal ng basura sa nasabing ilog na bahagi ng Barangay 105, Sitio Damayan, Ulingan sa Vitas, Tondo, sakop ng District 1.

Nabatid na mula nang ipaalam sa barangay ang pangyayari ay tila wala pang aksyon ang ginagawa ng barangay na nakakasakop sa lugar dahil hindi pa rin ito ini-report hanggang ngayon sa tanggapan ng Manila Police District-Homicide Section.

Ayon sa isang freelance photographer, aksidente lamang niyang natuklasan at nakunan ng litrato ang bangkay ng sanggol na pansamantalang inilagay sa drawer ng kabinet na tinakpan lamang ng yero upang hindi lapain ng mga nagkalat na aso sa lugar.

Sa kanyang pagtatanong, alas-3:00 pa umano ng hapon noong Huwebes nang matagpuan ng mga batang nangangalakal ang bangkay ng sanggol. Inakala pa umano ng mga bata na isang manika ang kanilang natagpuan dahil maganda at malusog na parang hubad na “Sto. Niño” ang hitsura nito.

Nang ipaalam ng mga residente sa barangay hall na sumasakop sa lugar, tiningnan lamang umano ng mga barangay tanod at iniwan lang din na posibleng hindi man lamang itinawag sa pulisya.

Nag-aalala naman ang nga residente sa posibleng idulot ng bangkay sa kanilang kalusugan.

The post Bangkay ng sanggol, 2 araw ng palutang-lutang sa ilog appeared first on Remate.

ISANG may diperensya sa pag-iisip ang nabingwit sa Ilog Pasig sakop ng Muelle de la Industria, Binondo, Maynila kaninang umaga.

Inilarawan ng pulisya ang biktimang nasa edad 40-45, may taas 5’2-5’4, katamtaman ang pangangatawan at nakasuot lamang ng shorts nang makuha ito ng mga tauhan ng Philippine Coast Guard (PCG) sa lugar.

Ayon sa imbestigador, alas-6:30 ng umaga nang itawag sa kanilang tanggapan ang lumutang na bangkay ng biktima.

Sa pagsisiyasat ng pulisya, hindi kilala ang biktima sa lugar subalit madalas itong makitang pagala-gala at tila may diperensya sa pag-iisip.

Ayon naman kina Irene Aquio, 30, at Christine Joy Mace, 25, ang biktima ala-1 ng hapon kahapon ng huli nilang makita ang biktima na tumalon sa ilog ngunit hindi nila ito pinansin dahil sa pag-aakalang maliligo lamang ito bunsod na rin ng sobrang init ng panahon.

Wala namang ibang sugat sa katawan ang biktima maliban sa lumalabas na dugo sa ilong nito.

Dinala ang bangkay sa St. Harold Funeral para sa awtopsiya at safekeeping.

The post May sayad tumalon sa ilog, tigbak appeared first on Remate.

NALIMAS ang dalang pera ng isang Spanish national matapos mabiktima ng ‘Ativan gang’ sa Maynila.

Dumulog sa tanggapan ng Manila Police District-General assignment section (MPD-GAS) ang biktima na si Alberto Vilar, tubong Spain at nanunuluyan sa 1750 Wanderers Guest House na matatagpuan sa Adriatico, Malate, Maynila.

Natangay umano ng apat na babae at isang lalaking mga suspek ang P10,000 at 1,000 euro ng biktima.

Kinilala ng mga biktima ang mga suspek na sina Elena, 65; Isabela, 55; Salvatora, 30, ang may-ari umano ng bahay na nakilala niyang si Gina Pastor at isang lalaki na taga P. Herrera St., Tondo, Maynila.

Nabatid na naglalakad ang biktima sa Adriatico noong Hunyo 6 nang lapitan siya nina Salvatora, Isabela at Elena.

Kinaibigan umano siya ng mga ito hanggang sa yayain siyang mamasyal sa Quiapo at Avenida.

Sumunod ay niyaya siyang mamasyal sa bahay ng suspek na si Pastor dahil kaarawan aniya nito na pinakain at pinainom pa.

‘Di nagtagal ay bigla na lamang nakaramdam ng pagkahilo ang biktima at nang magising ay nasa hotel na siya matapos ihatid ng isang taxi.

Dito niya nadiskubre na nawawala na ang kanyang dalang pera.

Ayon sa biktima, kanyang makikilala ang mga babaeng suspek kapag nakita niya muli ang mga ito

The post Spanish nat’l nilimasan sa Maynila appeared first on Remate.

NANAWAGAN sina Bayan Muna Reps. Neri Colmenares at Carlos Zarate  sa Malakanyang na suspendehin ang lahat ng transaksyon na pinasok ng Metro Rail Transit 3 at repasuhin ang mga nagdaang kasunduan.

Ito ay matapos magkaaberya ang mga mga bagon nito sa dalawang magkasunod na araw at ang mga ilan pang palpak na kasunduan.

“We should observe extreme due diligence here considering that we are not only dealing with billions of pesos but with the lives of millions of MRT3 passengers. These daily glitches are too much inconvenience already to the riding public, but, must we wait until this becomes a disaster? As for the latest glitch being caused by lightning does this mean that every time there is lightning the MRT would stop? Sobra namang abala yun, ” ayon kay Senior Deputy Minority Leader Colmenares.

Giit ni Colmenares sa mga nagdaang pagdinig ng House Committee on Transportation na kailangang marepaso ang lahat ng kontrata sa MRT dahil mukhang nagkakaroon aniya ng pandaraya.

Samantala,  dismayado na rin si Zarate na “we have  talked with train and rail experts who revealed that as per international standards,  Light Rail Vehicles (LRV) like the ones being used at the MRT3 can be used for 25 years, and,  if properly maintained can even last for 35 years.  Now,  the MRT3  has only been operating for at most 15 years since it started its operations only in 1999, but how come it’s already breaking down so miserably?”

Nais din ni Zarate na ipatawag ng House Transportation Committee o maging Committee on Good Government and Public Accountability upang pagpaliwanagin sa mga nagdaang operasyon at maintenance ng MRT.

The post Mga transaksiyon ng MRT 3 suspendehin appeared first on Remate.

SUGATAN ang 15 katao sa naganap na aksidente ng bus sa South Luzon Expressway nitong araw ng Linggo.

Ayon sa impormasyon, iniwasan ng Antonina bus ang sasakyan nang biglang may nag-overtake sa kanyang daan dahilan upang mawalan ito ng kontrol na tumama sa concrete barrier at tumagilid.

Dahil dito, mahaharap sa kasong reckless imprudence resulting in multiple physical injuries ang driver.

Kasalukuyang nilalapatan ng lunas sa pagamutan ang mga sugatan.

The post 15 sugatan sa aksidente sa SLEX appeared first on Remate.

IPINATUPAD ng kompanya ng langis ang kaltas presyo sa mga produktong petrolyo ngayong araw, Lunes, Hunyo 9.

Nag-rollback sa produktong petrolyo  ang PTT, Shell at Petron simula alas-12:01 ng madaling-araw kanina.

Ang PTT Philippines, P1.10 rollback ang bawas-presyo sa diesel at P0.90 naman sa kada litro ng gasolina.

Habang ang Shell at Petron ay magtatapyas ng P0.90 sa gasolina; P0.70 sa kerosene at P1.10 sa kada litro ng diesel.

Nag-rollback din ang Phoenix Petroleum at Total Philippines alas-6:00 Lunes ng umaga, P1.10 sa diesel at P0.90 sa gasolina.

Una nang nagpatupad ng rollback ang Unioil at Flying V nitong Linggo, Hunyo 8. Ito ay batay sa dikta sa presyuhan sa wolrd market.

The post P1 rollback sa diesel, ikinasa ngayong araw appeared first on Remate.

BINUBUSISI na ng Department of Agriculture (DA) ang dahilan  ng biglang pagtaas ng presyo ng bawang.

Ang presyo ng bawang ay sumipa sa P280 kada kilo sa Metro Manila na kasing mahal na rin ng mga imported na bawang na nasa P290 hanggang P350 ang kilo.

Ayon kay Agriculture Agribusiness and Marketing Assistance Director Leandreo Gazmin, posibleng ang malamig na panahon mula noong Disyembre hanggang Pebrero ang dahilan ng pagmahal ng bawang o di kaya ay dahil sa suplay nito.

Gayunman, hindi iniaalis ng DA ang posibilidad na may manipulasyong nagaganap sa presyo ng bawang, ito ay dahil sa hindi naman  dapat magmahal ang presyo ng lokal na bawang dahil ang mga imported na bawang ang talagang nagtataas ng presyo.

The post Taas-presyo sa bawang binubusisi na appeared first on Remate.

INALERTO ngayon ng Food and Drug Administration (FDA) ang publiko kaugnay sa nagkalat na Bangkok pills na ibinebenta sa internet.

Ayon sa FDA, ang pills na inaalok sa P500 hanggang P2,000 ay hindi nakarehistro sa kanilang tanggapan.

Sa isang advisory, nagbabala ang FDA na ang Bangkok pills na naka-advertise ay mayroong “suppressing appetite” at “diuretic effect” na napapadalas ang pag-ihi at pagpapawis ng mga umiinom nito.

Sa pagsusuri, natuklasan pa na ang bangkok pills ay nagdudulot ng hallucination, paranoia, insomia, respiratory problems, hypertension, kidney failure at kamatayan kaya’t nananawagan ang FDA sa publiko na isuplong agad sa kanilang tanggapan ang mga establisimyentong nagbebenta nito.

The post Publiko inalerto vs bangkok pills appeared first on Remate.

UMAABOT sa P300 million ang ibinayad na ransom ng pamilya ng dinukot na Chinese tourist sa Sabah, Malaysia para sa kalayaan nila ng Pinay mula sa kamay ng Abu Sayyaf Group  (ASG).

Giit ni Marcelita Dayawan, hindi siya naniniwala na walang ransom na ibinigay dahil ito ang paulit-ulit na demand ng kanilang abductors bago siya pinalaya kasama ang Chinese tourist na si Gao Hua Yan.

Naging translator si Dayawan sa negosasyon at P300 million ang napagkasunduan ng magkabilang panig.

Matatandaang iginiit ng Pilipinas at Malaysia na walang ibinayad na ransom sa paglaya ng nabanggit na mga bihag.

The post P300M kapalit ng kalayaan ng Pinay na dinukot sa Sabah appeared first on Remate.

IWAS-PUSOY ang Malacañang sa hirit na hospital o house arrest kay Sen. Juan Ponce Enrile, kasama sa tatlong senador na kinasuhan ng plunder kaugnay ng P10-billion pork barrel scam.

Ayon sa pahayag ni Communications Sec. Sonny Coloma, hihintayin muna nila ang desisyon ng Sandiganbayan sakaling humirit ng house arrest si Sen. Enrile.

Sinabi ni Coloma, wala na sa kamay ng Ehekutibo ang kapalaran ni Enrile at bahala na ang anti-graft court kung saan ito ipakukulong.

Umapela si Sen. Jinggoy Estrada sa pamahalaan na kung maaari ay hindi na ikulong si Senate minority leader Juan Ponce Enrile kaugnay ng kanilang kinakaharap na kasong plunder sa Sandiganbayan.

Si Enrile na ngayon ay 90 taong gulang ay kasama nina Estrada at Sen. Ramon Revilla Jr., na sinampahan ng kasong pandarambong bunsod ng pagkakasangkot sa kontrobersiyal na multi-billion peso pork barrel scam.

Nang nakausap ni Estrada si Enrile ay nanatiling kampante ang dating pangulo ng Senado at nakahanda namang humarap sa kanyang kaso sa Sandiganbayan.

Magugunitang nitong nakalipas na araw ng Biyernes ay tuluyan nang isinampa ng Office of the Ombudsman ang none-bailable case na plunder sa Sandiganbayan laban kina Enrile, Estrada, Revilla at Janet Lim-Napoles at iba pa.

Sa panig ni Estrada tiniyak nitong hindi siya magtatago sa batas sa oras na ipaaresto siya ng korte sa halip ay kusa siyang susuko.

The post Malakanyang dedma sa house arrest ni JPE appeared first on Remate.

NAKAPASOK na sa Philippine Area of Responsibility (PAR) ang low pressure area (LPA) sa Hilaga ng bansa at posibleng maging ganap na bagyo.

Kinumpirma ni PAGASA weather forecaster Glaiza Escullar, alas-5:00 ng umaga nang mamataan ang sama ng panahon sa layong 90 kilometro hilaga hilagang-silangan ng Laoag City.

May posibilidad itong maging bagyo (tropical depression) sa loob ng 24-48 oras.

Tatawagin itong “Ester” na panlimang bagyo sa bansa ngayong taon.

Inaasahan naman sa ilang bahagi ng lugar sa norte na magkakaroon ng maulap na kalangitan na may mga pag-ulan.

Apektado nito ang Batanes, Calayan at Ilocos Region at Cagayan.

Samantala magiging maaliwalas naman ang panahon sa Metro Manila ngunit asahan pa rin ang pulo-pulong pag-ulan o pagkidlat-pagkulog sa hapon o gabi.

The post LPA nasa PAR na, posibleng maging bagyo appeared first on Remate.

NAGBABALA ngayon ang Catholic Bishops’ Conference of the Philippines (CBCP) sa gobyerno kaugnay ng selective justice sa isyu ng PDAF scam.

Sinabi ni CBCP President at Lingayen Dagupan Archbishop Socrates Villegas na hindi dapat pinipili ang paparusahan, kahit pa pinupuri nila ang ginawang paghabol ng gobyerno sa mga tiwaling opisyal.

Ayon kay Villegas, lahat ng mga sangkot ay dapat imbestigahan at makasuhan kahit anumang partido sila nakaalyansa.

Hindi matatawag na hustisya kung pinipili lamang ang binibigyan nito.

Inihirit pa ni Villegas ang pag-respeto ng mga naatasang mag-prosecute sa karapatang pantao ng mga akusado.

The post CBCP nagbabala vs selective justice appeared first on Remate.