Manila, Philippines – Umabot na sa P1 bilyon ang pinsala ng naganap na sunog sa Star City sa Pasay.

Ayon kay Ed de Leon, tagapagsalita ng Star Parks Corporation, lahat ng indoor rides ng ay naabo.

Sa tala naman ng Bureau of Fire Protection (BFP), umabot sa 80 hanggang 90 porsyento ng Star City ang natupok ng apoy.

Sa pahayag ni Atty. Rudolph Steve E. Jularbal, Vice President ng Legal and Regulatory Compliance Group ng Star City, wala aniyang brason para paniwalaang sinadya ang sunog.

Dagdag pa ni Jularbal, ang isang tweet na nag-viral na may nakalagay na ‘Star City is dying’ ay tungkol sa isang American television series.

Samantala, sinabi naman ni de Leon na sisikapin pa ring magbukas ng Star City ngayong taon ngunit dedepende ito sa assessment ng kanilang engineers. Remate News Team|FGDC

The post Pinsala ng sunog sa Star City, pumalo sa P1B appeared first on REMATE ONLINE.

Washington – Inatake sa puso si US Senator Bernie Sanders tatlong araw makalipas, ayon sa kumpirmasyon ng mga doktor sa Las Vegas.

“Sen. Sanders was diagnosed with a myocardial infarction,” paliwanag ng mga doktor.

“Two stents were placed in a blocked coronary artery in a timely fashion. All other arteries were normal,” dagdag pa nito.

“His hospital course was uneventful with good expected progress.” Remate News Team|FGDC

The post US Senator Sanders, inatake sa puso appeared first on REMATE ONLINE.

Manila, Philippines – Inako ni former police official Benjamin Magalong na nasa kanya ang ‘full support’ ni President Rodrigo Duterte matapos niya umanong ibulgar ang isyung kinasasangkutan ng hepe ng Philippine National Police (PNP).

“Alam na rin ni Presidente kung anong katotohanan d’yan. Andoon naman ako, andoon din si Aaron Aquino na nakipag-usap at alam niya, inilahad naman namin lahat sa kaniya,” saad ni Magalong.

“Isa lang ang masasabi ko, full support siya sa amin,” dagdag pa nito sa isang panayam.

Sa kabilang banda naman sinabi ni Presidential Spokesperson Salvador Panelo na pinagkakatiwalaan pa rin ng Pangulo si Albayalde.

“Mabuti pa siguro kung si Secretary Panelo e tanungin niya talaga iyong saloobin ng Presidente… Ayaw ko namang mag-speculate kung saan nanggagaling iyong kaniyang information, kung totoo nga bang nakikipag-usap siya sa Presidente,” paliwanag pa ni Magalong.
 
“Pero kung titingnan mo naman, maraming okasyon na mali rin iyong kaniyang mga nasasabi. Pero trabaho iyan ng spokesman e, intindihin na lang natin siya.” Remate News Team|FGDC

The post Magalong kumpiyansa sa ‘full support’ ni PDu30 appeared first on REMATE ONLINE.

Manila, Philippines – Bilang bahagi na maturuan ang mga bata ng road safety, naglunsad ang Metropiltan Manila Development Authority (MMDA) ng isang children’s road safety park sa  Manila.

Ayon kay MMDA Chairman Danny Lim importante na maturuan ang mga bata ng disiplina sa  lalong lalo na sa Metro Manila dahil sa sila ay nakakapagtala ng may 300 na aksidente kada araw.

“Road safety would also help in decongesting traffic in the future”, ayon kay Lim.

Pahayag pa ni Lima na ang kanilang itinayong road safety park ay matatagpuan sa Malate district na may 3 new canopy areas at mga tanim na halaman sa paligid.

Dagdag pa ni Lim na kanilang inaasahan na sila ay makapagtayo pa ng children’s road safety parks sa ibang lugar.

Subalit dahil na rin sa kakulangan ng funds ng kanilang ahensya ay gumawa ng isang mobile road safety vehicles sa tulongn ng mga pribadong indibidwal. James I. Catapusan

The post Road safety park inilunsad ng MMDA para sa mga bata appeared first on REMATE ONLINE.

Batangas – Kumpirmadong patay ang apat na indibidwal dahil sa meningococcemia sa probinsya ng Batangas, ayon sa Department of Health sa Calabarzon. 

Sa tala ng DOH, patay ang apat kasama na ang tatlong bata simula September 22 hanggang October 4. 

Kinumpirma rin ng DOH-Calabarzon ang 46-anyos na lalaki mula sa San Jose.

Hinikayat naman ni Batangas Vice Governor Mark Leviste ang publiko na hwuag magpakalat ng pekeng balita kaugnay ng sakit. Remate News Team|FGDC

The post 4 patay sa meningococcemia sa Batangas – DOH appeared first on REMATE ONLINE.

Bacolod – Nilooban ng mga kawatan ang bahay ng isang abogado, ayon kay Police Maj. Charles Gever, Station Commander ng Police Station 8 sa Bacolod, Sabado.

Sa ngayon, pinaghahanap na ang mga salarin sa pagtangay ng alahas at salapi.

Umakyat umano sa bakod at sinira ng mga salarin ang kandado ng bahay.

Natangay ng mga salarin ang nasa P200,000 halaga ng alahas at P5,000 na salapi na nakatago sa isang kwarto.

Tinitingnang anggulo naman ang ‘inside job’ sa krimen dahil alam ng mga salarin kung saan nakalagay ang mga alahas.

Patuloy naman ang imbestigasyon sa krimen. Remate News Team|FGDC

The post Abogado sa Bacolod, nanakawan ng P200K halaga ng alahas appeared first on REMATE ONLINE.

Maguindanao – Nasawi ang pitong miyembro ng Moro Islamic Liberation Front matapos ang sagupaan laban sa miyembro ng  ISIS-inspired  terror group sa Maguindanao, Biyernes.

Kinilala ang mga biktima na si Laguiali Ali, Poangan Ganda, Kho Mamaluba, Jeomar Salansamen, Mads Maitem, Tongan Tot at Datumaniot Musbil.

Ayon kay Police Lieutenant Colonel Arnold Santiago, nakuha na ang mga naturang labi ng kanilang mga kamag-anak.

Sumiklab ang sagupaan sa Sitio Tinulusan, Dasawao 4 sa Shariff Saydona, saad ni Lieutenant Colonel Ernesto Gener, commander ng Philippine Army’s 57th Infantry Battalion. Remate News Team|FGDC

The post 7 MILF patay sa sagupaan vs. ISIS sa Maguindanao appeared first on REMATE ONLINE.

Manila, Philippines – Hindi lang pang-politika ang pagkakaibigan nina Pangulong Rodrigo Duterte at Russian President Vladimir Putin.

Sinabi ni Department of Foreign Affairs Secretary Teodoro Locsin Jr., saksi ito sa pulong ng Pangulo at ni Putin at bakas sa dalawang lider ang pagkakaibigan ng mga ito.

Tiniyak nito na hindi lang sa politika ang magandang turingan nina Pangulong Duterte at Putin kundi kitang-kita ang tunay na pagkakaibigan.

“I was in the meetings with Putin and President Duterte and you could see between them, you could feel the friendship. That’s better than politics. That’s real friendship, and Russia is a real friend,” ayon sa Kalihim.

Malaki ang respeto at paghanga ni Pangulong Duterte kay Putin dahil sa maayos na pamamalakad at pangangasiwa sa Russia.

Sa ngayon ay nasa official visit si Pangulong Duterte at inaasahang babalik ng Pilipinas bukas, araw ng Linggo. Kris Jose

The post Friendship nina PDU30, Putin, hindi pang-politika lang- Sec. Locsin appeared first on REMATE ONLINE.

Manila, Philippines – Kakailanganin ng Philippine Army ng mga 5,300 aplikanteng sundalo sa taong ito.

Sa isang pahayag ni Army spokesperson Lt. Col. Ramon Zagala, ang pangangalap ng mga bagong sundalo ay para matulungan ang gobyerno sa mga banta ng pangseguridad.

“Anyone who wants to serve our people is welcome to join as long as the Philippine Army’s qualifications are met. Qualified applicants will receive the same benefits during training and when they become part of the regular force,” ani Zagala.

Dagdag pa niya, ang pwersa ng mga sundalo ay maaring makatulong sa mga banta sa loob at labas ng bansa.

Samantala, ang mga gustong maging sundalo ay dapat 18-anyos hanggang 30-anyos, Filipino, single, walang anak at nasa 5ft haggang 6ft ang taas.

Habang ang mga aplikante ay dapat maipasa muna ang Armed Forces of the Philippines Service Aptitude Test, physical, medical examinations, at physical fitness test.

Sa mga gustong sumali maaring pumunta sa Army recruitment centers sa Cagayan de Oro City, Cebu City at Taguig City.

“We call on the best and the brightest to take this opportunity to be part of our nation-building efforts by serving the people and securing the land,” ani Zagala. Remate News Team / Lesterson R. Ramos

The post PH Army nangangailangan ng 5K aplikante para maging sundalo appeared first on REMATE ONLINE.

Tawi-Tawi – Nakaisip ng kakaibang lagayan ang mga tindera ng Tawi-Tawi City bilang alternatibong pamalit sa paggamit ng mga plastic.

Ang pinagmamalaki ng mga tindera ng Bongao sa nasabing lugar ay ang paggamit ng dahon ng niyog o kilala sa tawag na “Sulingkat” para gawing basket o lalagyan ng mga prutas at gulay.

Sabi ng karamihan, ang paggamit nila ng basket na gawa sa dahon ng niyog ay nakatutulong upang maiwasan ang paggamit ng mga plastic at makatulong sa kapaligiran

Hinihikayat naman ng mga Filipino organizations at institutions na panatilihin ang ganitong sistema para matigil ang paggamit ng plastic.

Samantala, ang Liberty Commercial Center sa Albay ay pumunta sa nasabing lugar upang isulong ang ganitong hakbangin.

Dagdag pa rito, ang Quezon National High School sa Lucena City ay nag-umpisa naman sa paggamit ng balat ng saging at Manila paper para sa pagkain ng mga studyante.

Habang ang Wala Usik School canteen ng Bulata National High School sa Negros Occidental ay ipinatupad din ang paggamit ng bamboo mugs, coconut shells bowls, at plato na gawa sa balat ng saging upang maiwasan ang paggamit ng mga plastic materials. Remate News Team / Lesterson R. Ramos

The post Recycle: Tindera sa Tawi-Tawi ginamit ang dahon ng niyog vs. plastic appeared first on REMATE ONLINE.

Los Angeles – Pinarangalan ng London-based Time Out Media Group ang Historic Filipinotown sa Lost Angeles na panglima sa 50 coolest places na kailngang puntahan ng mga turista.

Ang Historic Filipinotown o kilala sa tawag na HIFI ay isang distrito sa L.A na iminungkahi ng United States city council dahil ito lamang ang town na kung saan kinikilala ng U.S ayon kay Eric Garcetti noong August 2, 2002.

Ayon sa Time Out editors at experts sa 27,000 city na naglaban-laban ang Filipino district ang napili bilang pang lima dahil ito sa mga pinaka best, overrated at undervalued town.

Pahayag naman ng Time Out list noong September 17 na ang Filipinotown ay naglalarawan ng isang kultra ng mga filipino habang karamihan sa developing areas sa L.A ay pinapanatili ang Culutre, Character at Community.

Tara G! sa Filipinotown.

Ito ang mga patok na pagkain para sa mga nagbabalak na turist

• Market seafood
• Asian Sinigang
• 90’s songs
• Pansit
• Barbeque
• Black art at Bloom & Plume Coffee

Ano bang makikita rito para sa mga nagbabalak na turista?

• Tradisyunal Jeepney para sa turista
• Temple Street
• Boulevard toward Westlake
• Genever, Art Deco den
• Mga mural na pinamumunuan ng The Gabba Gallery
• Bungalows

“Time Out has always been about helping people discover the best of the city, and with this epic list our local editors and contributors have identified the neighborhoods that are setting the pace for city life in 2019. These 50 neighborhoods are places where you’ll find delicious food, incredible bars, and cutting-edge art, culture, and nightlife at every turn, as well as proud, progressive city-dwellers promoting the values of diversity and coexistence,” pahayag ni James Manning, Global Projects Editor ng Time Out.

Ang kulturang Pilipino ay bahagi na ng L.A dahil sa mga pagkaing Pinoy, indie films, local musics at mga sports na meron ang mga Pilipino. Remate News Team / Lesterson R. Ramos

The post TARA G sa Filipinotown sa L.A appeared first on REMATE ONLINE.

Manila, Philippines – Tagumpay at naging mabunga ang opisyal na pagbisita ni Pangulong Rodrigo Duterte sa Russia, ayon kay Senator Christopher Lawrence “Bong” Go.

Ayon kay Go, umani ng papuri sa mga opisyal ng Moscow ang naging kampanya ng pamahalaang Duterte laban sa mga terorista, partikular sa Mindanao at nakahanda aniya ang Russia na sumuporta hanggang sa madurog ang mga ito.

“Naging maayos naman ang pagbisita ng Pangulo. First day sa pagbisita sa Russia, nagpasalamat ang ating gobyerno. Nais din ng Pangulo na paigtingin pa ang ating relasyon sa bansang Russia, lalo na po (ang) laban sa terorismo. Alam niyo naman tuloy- tuloy ang terorismo sa ating bansa. Very much willing na tumulong ang Russia,” ani Go.

Idinagdag ng senador na binati ni Russian President Vladimir Putin si Pangulong Duterte sa naging laban ng Chief Executive sa terorismo.

“Nag-congratulate si President Putin kay Pangulong Duterte sa laban natin kontra terorismo sa Pilipinas to lower level of terrorist threat. ‘Yun po ang unang unang nabanggit ni Presidente. Full support ang Russia sa ating bansa.”

Hinggil naman sa lalo pang paglakas ng security relations sa pagitan ng Pilipinas at Russia, umaasa si Sen. Go na maging ang economic sector ng dalawang bansa ay patuloy na yayabong sa pamamagitan ng pagbubukas ng mga Russian companies sa bansa na makapaglilikha ng mas maraming oportunidad sa Filipino.

“Umaasa po kami na maraming business opportunities ang maiuwi ng Pangulo para sa mas maraming trabaho para sa mga Pilipino sa bansa,” anang mambabatas.

Sa nakaraang pagbisita ng Pangulo sa Moscow, nagtinta ang ilang Filipino business executives at Russian counterparts ng pangnegosyong kasunduan na nagkakahalagang US$12.6 million, may kinalaman sa business cooperation, agricultural exports, electric power at importation.

Kabilang sa kasunduan ay ang pag-aaral o posibilidad na magtayo ng nuclear power plants sa Pilipinas.

Lumagda rin ang dalawang bansa sa distributorship agreement para sa dalawang Russian companies upang magbenta ng mga relo at sasakyan sa Pilipinas. Isa ring memorandum of agreement ang nilagdaan para i-promote at ibenta ang Russian technology sa bansa.

Ang lagdaan ng mga mamumuhunan na isinagawa sa gitna ng Philippines-Russia business forum sa Moscow ay inilarawang simula ng mas matibay na kalakalang-ugnayan ng Russia at Pilipinas. Remate News Team|CSEF

The post Sen. Go sa pagbisita ni President Duterte sa Russia: Tagumpay, mabunga appeared first on REMATE ONLINE.

Manila, Philippines – Matinding sinopla ni Senador Panfilo Lacson ang pananaw ni Philippine National Police (PNP) chief, Director-General Oscar Albayalde na pulitika ang pangunahing motibo kung bakit lumantad ang ninja cops sa Senado.

Sa panayam, sinabi ni Lacson na walang katotohanan na pinupulitika lamang siya ni dating CIDG chief, Baguio City Mayor Benjamin Magalong kaya inilantad nito ang isyu sa November 2013 anti-drug operations sa Pampanga.

Si Albayalde ang provincial commander ng Pampanga nang magsagawa ng anti-drug operation ang pulisya sa pamumuno ni Police Supt. Rodney Raymundo Louie Baloyo, 

“Kung sinasabi nanggagaling kay Mayor Magalong ang pag-politicize? Mahirap tanggapin yan. Unang-una hindi nagboluntaryo si Gen. Magalong.,” ayon kay Lacson.

Naunang ibinulgar ni Magalong na nagkaroon ng “agaw bato” sa isinagawang anti-drug operations sa Lakeshore Subdivision, Angeles, Pampanga na pinamunuan ni Baloyo.

Sa halip na 200 kilo ng shabu, ayon kay Magalong, 36 kilo lamang ang ginawang ebidensiya ng grupo ni Baloyo at hindi rin isinumite bilang ebidensiya ang milyong halagang nakumpiska sa raid.

“Talagang pinatawag siya ni Chairman (Senador Richard) Gordon para mag-testify. Kasi nga ang NBP activities sa drug trade na-connect sa ninja cops kaya lumabas ang usapin na napasama si Gen Magalong sa investigation ng SBRC at committee on justice,” paliwanag pa ni Lacson.

Kaugnay nito, pinabulaanan din ni Lacson na may kinalaman siya sa susunod na chief PNP kaya kinaladkad ang pangalan ni Albayalde sa ninja cops.

“ Wala akong kilala sa mga ano ngayon. Wala akong nakasama riyan na directly nagtrabaho under me. At ni minsan hindi ako nakialam sa appointment ng CPNP especially sa ilalim ng pamumuno ni Presidents Aquino and Duterte. Wala, never,” aniya.

“Si Gen Bato naging tao ko pero talagang choice yan ni PRRD na siya maging PNP chief under his term. Pero wala akong pakialam at hindi ko rin malaman kung sino itutulak ni Gen Magalong. Kasi ano mapapala niya, e mayor siya ng Baguio ang dami ring problema roon,” paliwanag pa niya.

Samantala, ayaw nang banggit ni Lacson na may 2 pang heneral sa pulisya ang sangkot sa drug trade.

“ Based sa information, meron. Kaya lang, mahirap na. Hayaan na natin si Presidente magsalita,” ayon kay Lacson. Ernie Reyes

The post Albayalde, sinopla ni Lacson sa ‘pinupulitika’ siya sa ninja cops issue appeared first on REMATE ONLINE.

Manila, Philippines – Itinanggi ni Atty. Rudolph Steve Jularbal, Vice President ng Legal and Regulatory Compliance Group ng MBC ang pahayag ng Bureau of Fire Protection sa media na arson ang dahilan ng sunog Star City at Manila Broadcasting Center.

Pinabulaanan ni Atty Jularbal ang sinabi ng BFP na arson ang dahilan ng pagkasunog ng establisyimyento dahil sinabi rin mismo ng BFP hindi pa raw tapos ang imbestigasyon dito.

Hindi muna kumonsulta ang BFP sa mismong management ng Star City at dumiretcho na agad ito sa media at pinalabas na ‘arson’ ang naganap.

“Unang-una, hindi pa tapos ang imbestigasyon [may mga i-te-test pang samples sa laboratory] kaya hindi tayo dapat agad magbigay ng conclusion na arson ang dahilan nito” ani Jularbal.

Tungkol naman sa nasabing gasolina na natagpuan, “’yong sinasabi nila [BFP] na pinatatakbo raw ng electricity ang lahat ng rides sa Star City, hindi po, dahil katulad ng bumper boat iya’y pinatatakbo ng gasolina, gasolina ang nagpapagana” paglilinaw ni Jularbal.

Sinasabi rin ng BFP na ang namataang dalawang tao na may dalang ‘cotton’ ay wala ring koneksyon sa sunog dahil ‘usual’ lamang na may magdala ng cotton sa establisyimento dahil yari sa cotton ang laman ng mga stuffed toys na ipinamimigay doon.

“bakit naman ‘yan susunugin ng management e ang Christmas season, isa ‘yan sa pinakanagpapasok ng pera sa atin, Christmas season ‘yan” dagdag din ni Jularbal.

Nag-oobject ang management ng Star City sa paraan kung paano isinapubliko ng BFP ang nasabing statement. Remate News Team|CSEF

The post Pamunuan ng Star City, itinangging arson ang dahilan ng sunog appeared first on REMATE ONLINE.

Manila, Philippines – Mabibigo at mabibigo ang kampanya ng pamahalaan laban sa illegal drugs kung may kasabwat ng pulis o ninja cops sa operasyon ng droga sa buong bansa, partikular sa loob ng New Bilibid Prison (NBP).

Inihayag ito ni Senador Panfilo Lacson sa isang panayam hinggil kay Police Supt. Rodney Raymundo Louie Baloyo na iniimbestigahan ng Senado hinggil sa pekeng police report sa isang anti-drug operations noong 2013 sa Pampanga.

“Paano maipapanalo ang war against drugs kung may pulis mismo na sangkot sa pagre-recycle? Paikot-ikot na lang yan,” ayon kay Lacson.

Gustong alamin ni Lacson kung kasabwat si Baloyo sa ilang high profile drug lords sa loob ng NBP na nakakapagtransaksiyon gamit ang cellphone at ospital sa loob ng kulungan.

Naunang ibinulgar ni dating CIDG chief, Bagiuo City Mayor Benjamin Magalong na walang katotohanan na 36 kilos lamang at walang nakumpiskang pera sa isinagawang anti-drug operation sa Lakeshore Subdivision sa Angeles City.

Aniya sa Senate committee on justice and human rights, aabot sa mahigit 200 kilos ng shabu ang kanilang “inagaw” kay Johnson Lee na nagbayad ng P50 milyon kapalit ng kalayaan.

 “Ang link papasok sa National Bilibid Prison. Paano nabenta ang 160, o ito ba kulang-kulang na 200 kilos ang naipuslit dahil ang balita roon, hindi lang 200 kilos kundi mahigit pa. So kung mahigit 200 kilos at 30+ lang ang pinasok na ebidensya, mga 200 more or less ang ikinalat pa. At sino nagkalat noon?,” ayon kay Lacson.

“May information na pumapasok, may personalities na binabanggit na contact nila sa loob ng NBP. Gusto natin malaman lahat yan. Kung hindi at meron pang sa labas na kasama sa Agaw Bato o Agaw Prutas, nariyan pa yan, pwede pa mag-operate yan,” ayon kay Lacson.

Ipinagtataka din ni Lacson na baka hindi dumaan sa Record Check and Background Investigation si Baloyo bago naitalaga bilang intelligence chief ng Pampanga Police Office.  Remate News Team|CSEF

The post War on drugs, mabibigo hangga’t may ninja cops–Lacson appeared first on REMATE ONLINE.

Manila, Philippines – Naniniwala ang isang Kongresista na posibleng banta sa National security ang presensya ng pagdagsa ng mga Chinese nationals sa bansa.

Sa forum sa Balitaan sa Maynila, sinabi ni Surigao del Norte Rep.Roberto Ace Barbers na ang pagdagsa ng POGO o Philippine Offshore Gaming Operator sa bansa ay may implikasyon.

Aniya, maraming social implication tulad ng maaring pag-espiya , pinag-aaralan ang ating kultura at iba pa lalo na at may malaki silang interest sa bansa at yun aniya ang pinag-aagawang West Philippine Sea.

Sinabi pa ni Barbers na kung totoo aniya na nasa 250,000 na ang bilang ng chinese nationals sa bansa, lumalabas aniya na mas marami pa sila kumpara sa bilang ng ating mga arm forces .

Hindi lamang umano ngayon sa offshore may outleta ng POGO kundi mayroon na rin malapit sa kampo ng militar

Hindi lamang aniya dapat tinitignan ang revenue ng mga dayuhang ito kundi isipin ang magiging implikasyon nito dahil sa pagdami ng Chinese nationals sa bansa.

Hindi lamang gambling ang inooperate ngayon ng mga Chinese sa bansa kundi gumagawa na rin ng mga iligal na aktibidad tulad ng money laundering at kidnapping kung saan kapwa nila Chinese ang kanilang mga binibiktima

Inihalimbawa naman ng Kongresista ang Cambodia na ipinagbabawal ang POGO sa kanilang bansa na aniya ay maari rin namang gawin dito sa Pilipinas.

Paliwamag pa ng Kongresista na hindi aniya nagagawa ng mga ito sa China ang gusto nilang gawin kaya naman dito nila sa Pilipinas ginagawa ang mga iligal nilang aktibidad.

Karamihan din aniya ng mga Chinese sa POGO ay mga kolurum na hindi nagbabayad ng buwis at ginagamit lang nila sa ibang iligal na gawain tulad ng money laundering.

Paliwanag pa ni Barbers, maganda aniya ang polisiya ng PAGCOR sa pagmanage ng gambling sa bansa pero nagiging enterprising na aniya ngayon kung saan dumadami at nagkalat na ang online gambling at hindi na kailangan pa aniyang magpunta sa casino kaya dapat aniya itong tignan.

Gayunman, kailangan pa rin aniya ng opinyon at intelligence at eksperto kaugnay sa nasabing aspeto ng security threath. Jocelyn Tabangcura-Domenden

The post Pagdagsa ng POGO sa bansa, may implikasyon-Barbers appeared first on REMATE ONLINE.

Manila, Philippines – Naglabas ng anunsyo ang Catholic Bishops’ Conference of the Philippines (CBCP) na tumutukoy sa gobyerno na dapat bigyang pansin ang nararanasan pagdating sa mental health issues.

“Kailangan maitaas na yung kamalayan ng ating mga pamayanan, ating mga communities tungkol sa health issue na tinatawag nating mental health,” ayon kay CBCP Vice President and Caloocan Bishop Pablo Virgilio David.

Dagdag pa niya, karamihan sa mga nagpapakamatay ay dahil sa depresyon na karaniwan nararanasa ng mga kabataan.

“Tinatawag natin silang biktima [we call them victims], that they are victims of depression, so we don’t say they killed themselves, we say depression killed them…They did not know how to cope with this depression,” aniya.

Hinikayat din ni David ang Department of Health para bigyang aksyon at pansin ang rehabilitasyon.

“Ako nga china-challenge ko ngang pilit ang Department of Health na maging mas involve sila sa drug rehabilitation program because even drug addiction is a mental health issue,” pahayag pa nito

“It’s a mental disease kaya nga substance use disorder ang tawag diyan, minsan parang ang pag-iisip natin tungkol sa drug user parang kapag sinabi mo drug user kaagad negative ang pag-iisip,” dagdag pa niya. Remate News Team

The post CBCP sa gobyerno: bigyan pansin ang mental health issues appeared first on REMATE ONLINE.

Manila, Philippines – Bilang na ang araw ng mga ninja cop na sangkot sa pag-rerecycle ng ilegal na droga sa bansa.

Sa naging talumpati ni Pangulong Rodrigo Roa Duterte sa meet and greet sa Filipino community sa Russia ay sinabi nito na dapat nang maghanda ang mga ninja cop sa pagbabalik niya sa Pilipinas dahil tiyak na may kahihinatnan ang mga ito.

“Mayroon akong ninja [cop] ngayon pag-uwi ko talagang upakan ko itong mga p* i* pulis na ‘to. ay… ‘yang tawag nilang ninja. ‘yung talagang nagdo-droga ang mga g***. they are now — they are now or they were identified and well, tapos na ang congress nag-investigate,” ayon sa Pangulo.

Sinabihan aniya niya si DILG Sec. Eduardo Año na imbestigahan munang mabuti ang bagay na ito dahil bahagi aniya ito due process.

“Eh, ang pulis under ni Año, DILG. Sabi ko kay Secretary Año, you investigate first because that is part of due process. ‘yung opisina ko kasi is not an investigating agency, it’s an office of the president. you look for ah. Sabi ko, “imbestigahin mo muna, bahala ka na. basta ako, galit talaga ako sa mga y*** na ‘yan,” aniya pa rin.

Sa ngayon ay nakabalik na sa bansa si Pangulong Pangulong Duterte makaraan ang limang araw na official visit sa Russia.

Samantala, sinabi ng pangulo na mayroong dalawang police generals ang sangkot sa ilegal na droga. Kris Jose

The post Sa pagbabalik ni PDU30 mula Russia: ninja cops bilang na ang araw appeared first on REMATE ONLINE.

Manila, Philippines – Makararanas ng katamtamang panahon ang Metro Manila at natitirang bahagi ng bansa na may maulap na kalangitan at pag-ulan dulot ng localized thunderstorm ngayong Lunes, ayon sa PAGASA.

Nagbabala naman ang ahensya sa posibilidad ng pagbaha o pagguho ng lupa dulot ng posibleng pag-ulan.

Samantala, binabantayan ng PAGASA ang bagyong Hagibis na nasa labas pa ng Philippine Area of Responsibility (PAR).

Taglay nito ang hangin na 120 kph at may pagbugsong 150 kph. Remate News Team|FGDC

The post Katamtamang panahon mararanasan sa bansa; #HagibisPH nasa labas pa ng PAR appeared first on REMATE ONLINE.

Manila, Philippines – Ibinunyag ni President Rodrigo Duterte na mayroon siyang ‘myasthenia gravis’ kung saan nakararanas siya ng pananakit ng kalamnan.

Ito ang kanyang ipinahayag sa isang pagpupulong kasama ang mga Pinoy sa Moscow, Russia.

Ikinwento rin niya ang kondisyon ng kanyang mata.

 “Ganun ako eh. May talent ako, magtingin ako sa’yo, ‘yung isang mata ko bumaba… Actually my –that’s myasthenia gravis. It’s a nerve malfunction,” saad ng Pangulo.

Namana aniya ang sakit na ito sa kanyang lolo.

“So, I believe really in genetics. Kung anong sa kanya, nakuha ko eh. Kamukha ako daw ng lolo ko,” dagdag pa nito.

Kamakailan ay inilantad din ng Pangulo na mayroon siyang ‘Buerger’s disease’ at ‘misaligned spine’.

Maaalalang noong buwan ng Enero, naglabas ang Social Weather Stations survey ng datos na nasa 66 porsyento ng Pinoy ay nag-aalala sa kondisyon ng pangangatawan ni Pangulong Duterte. Remate News Team|FGDC

The post Myasthenia gravis: PDu30 ibinahagi ang kalagayan ng kalusugan appeared first on REMATE ONLINE.