PATAY ang isang 40-anyos na lalaki matapos tadtarin ng saksak ng hindi nakilalang suspek kagabi sa Parola, Tondo, Maynila.
Kinilala ang biktimang si Romulo Japon, ng Bgy. 105 Yellowbell St., Happy Land, Tondo.
Nabatid na alas-11:40 ng hatinggabi sa may Gate 17 Parola, Tondo naganap ang insidente.
Isinugod ang biktima ng dalawang lalaki at isang babae na hindi nakuha ang pangalan sa Jose Abad Santos General Hospital subalit namatay din sanhi ng mga dugong nawala rito.
Patuloy namang inaalam ng pulisya ang motibo sa pagpaslang at inaalam na rin ang pagkakilanlan ng mga suspek. JOCELYN TABANGCURA-DOMENDEN